ياسمين عبد العزيز: لما حبيت أحمد العوضي اكتشفت إن أنا ما كنتش بحب قبل كده

صرحت النجمة ياسمين عبد العزيز، خلال برنامج "صاحبة السعادة" المذاع على قناة Dmc، التي تقدمه الفنانة والإعلامية إسعاد يونس، تحدثت ياسمين عبد العزيز عن علاقتها بالفنان أحمد العوضي قائلة: "أنا مع أحمد لما حبيته اكتشفت إن أنا ما كنتش بحب قبل كده".

وتابعت ياسمين عبد العزيز: "يعنى الحب اللى قبل كده أنا ما حبيتش، وإن أحمد أول حب في حياتى وهو الحب الحقيقى".
وعن علاقتها بالفنان أحمد العوضي قالت ياسمين عبد العزيز باكية: "أنا مش بحب أحمد أنا بعشقه"، وعاتبت إسعاد يونس: انتى جايبانى عشان أعيط وبتضحكى عليا بحاجات بتوجعنى ومش عارفة أنا بقيت رقيقة كده ليه ما كنتش كده والله".

واضافت ياسمين عبد العزيز: "أنا مش هينفع أتكلم في تفاصيل والناس حبانا مع بعض، وفيه ناس حقودين وبيوقعوا لأنهم ما يعرفوش يعنى إيه حب، وجواهم كره".

كما أوضحت أيضا ياسمين عبد العزيز عن مناسبة مقابلتها معه في سحور برمضان، قالت: "ما اتقابلناش، كل واحد جه في وقت، والفيديوهات على النت متركبة".

وبسؤالها لو رأته في حفلة عامة قالت ياسمين عبد العزيز: "مش عارفة أنا بهرب طول الوقت وأفتح الفيسبوك ألاقى ناس منزلة صور وإحنا حاضنين بعض أو فيديوهات، والمشكلة إن الحاجات دى بتوجع وبتخلى الواحدة تفكر في اللى فات".

وتابعت ياسمين عبد العزيز: "أنا بسيب الحاجة على ربنا واللى عايزه يمشيني في أي سكة أنا بكون راضية حتى لو مش على رغبتى".

كانت اخر أعمال الفنانة ياسمين عبد العزيز الفنية مسلسل "ضرب نار" الذى تم عرضه فى شهر رمضان قبل الماضى 2023، والعمل من تأليف ناصر عبد الرحمن وإخراج مصطفى فكرى وإنتاج شركة سينرجى وبطولة ياسمين عبد العزيز، أحمد العوضى، ماجد المصرى، هدى الإتربى، سهير المرشدى، دنيا المصرى، إسراء رخا، أحمد غزى، إيمان السيد، بدرية طلبة، أحمد عبد الله، زينة منصور، تيسير عبد العزيز، وغيرهم.