ياسمين عبد العزيز: الخيانة مش سبب انفصالى عن أحمد العوضى

صرحت النجمة ياسمين عبد العزيز، خلال برنامج "صاحبة السعادة" المذاع على قناة Dmc، التي تقدمه الفنانة والإعلامية إسعاد يونس، عن أسباب انفصالها عن أحمد العوضي قالت ياسمين عبد العزيز: "بعيد عن إن فيه سبب من الأسباب ما ينفعش نتكلم فيه، ومش خيانة أقسم بالله مش خيانة، عشان فيه ناس مؤذية كتير مش وراهم غير إنهم يأذونى".

واضافت ياسمين عبد العزيز: "أنا مش هينفع أتكلم في تفاصيل والناس حبانا مع بعض، وفيه ناس حقودين وبيوقعوا لأنهم ما يعرفوش يعنى إيه حب، وجواهم كره".

كنا أوضحت أيضا ياسمين عبد العزيز عن مناسبة مقابلتها معه في سحور برمضان، قالت: "ما اتقابلناش، كل واحد جه في وقت، والفيديوهات على النت متركبة".

وبسؤالها لو رأته في حفلة عامة قالت ياسمين عبد العزيز: "مش عارفة أنا بهرب طول الوقت وأفتح الفيسبوك ألاقى ناس منزلة صور وإحنا حاضنين بعض أو فيديوهات، والمشكلة إن الحاجات دى بتوجع وبتخلى الواحدة تفكر في اللى فات".

وتابعت ياسمين عبد العزيز: "أنا بسيب الحاجة على ربنا واللى عايزه يمشيني في أي سكة أنا بكون راضية حتى لو مش على رغبتى".

وكانت اخر أعمال الفنانة ياسمين عبد العزيز الفنية مسلسل "ضرب نار" الذى تم عرضه فى شهر رمضان قبل الماضى 2023، والعمل من تأليف ناصر عبد الرحمن وإخراج مصطفى فكرى وإنتاج شركة سينرجى وبطولة ياسمين عبد العزيز، أحمد العوضى، ماجد المصرى، هدى الإتربى، سهير المرشدى، دنيا المصرى، إسراء رخا، أحمد غزى، إيمان السيد، بدرية طلبة، أحمد عبد الله، زينة منصور، تيسير عبد العزيز، وغيرهم.