أحمد السقا لكريم عبد العزيز : رقبتى ليك يا صاحبى ربنا يخليك ليا

قام النجم الكبير أحمد السقا بنشر بوست من خلال صفحته الرسمية عبر موقع الفيس بوك يمدح من خلاله صديقه النجم المتألق كريم عبد العزيز، حيث نشر صورة تجمعهما وصورة منفرده لكريم وعلق عليها قائلا " قاعد وصاحى بدرى ولقيت نفسى عايز أقول كلمه فى حق أجمل وأجدع صاحب قابلته ف حياتى من وإحنا عيال صغيرين انا كنت عايش ف شارع شهاب وهو عايش ف العجوزه والقدر ربطنا ببعض ومن يومها وإحنا اكتر من الأخوات وربنا يخلينا لبعض لأنه بجد راجل وجدع ومتربى وابن ناس وطول عمرنا ما بنقولش لبعض غير أزيك يا صاحبى".

وتابع السقا قائلا " عامل ايه يا صاحبى… أو مبروك يا صاحبى… وحقك عليا انى أقولك ربنا يخليك ليا يا صاحبى…… صاحبى واخويا اللى بجد كريم عبد العزيز…..رقبتى ليك يا صاحبى…. كلمة حق فى حقك يا صاحبى……ملحوظه عشان الناس اللى بتصطاد ف الميه العكره دي الصوره اللى كريم كسب بيها جوى أورد وفى كل الحالات صاحبى ".