ميار الببلاوي تهاجم بسمة وهبة: «خلاص ارحموني حسبي الله ونعم الوكيل» (تفاصيل)

هاجمت الفنانة ميارالببلاوي، الإعلامية بسمة وهبة، وذلك من خلال منشور عبر حسابها الرسمي بموقع التواصل الاجتماعي «فيسبوك».

وكتبت الفنانة المعتزلة ميار الببلاوي: كل الناس عماله تقولى غلطك طلعتى في برنامج بسمه طيب اقسم بالله ماكنت اعرف انها هتكون هجوميه كده اتلجمت مكنتش عارفه ارد خالص وكل إلى كان في دماغى انى الغى الحلقه ليس كل منطوق مقصود انا مطلقتش ١١ مره كان قصدى أن حوزى على طول بيقول عليا الطلاق يا جماعه دا بتاع البطيخ بيحلف يمين طلاق أن البطيخه حمرا يبقى مراته طالق الناس ماسكه على كلمه واحده تستاهلى علشان طلعتى مع بسمه خلاص ارحمونى اعترفت بغلطتى بس انا صحبتى دعتنى لبرنامجها وانا بحب بسمه ومن زمان وصورنا قبل رمضان باسبوعين وانا اقسم بالله عمرى مشفت برنامج العرافه دا قبل كده اللهم حلقه شاكوش ومراته وعارفه بسمه طيبه وبتحبنى فوجئت بالكاركتر إلى كانت متقمصاه في البرنامج كان كل همى احافظ على هدوئى واحترامى للمكان وارد على أي سوال بصراحه علشان المصداقيه انا كنت ضيفه في برنامج متشاف مع مذيعه كبيره على قناتين كبار النهار والمحور.

وأضافت: انا الفلوس فوالله انى اخدت مبلغ لا يذكر وكنت مصممه ارجعه والغى الخلقه واسالو استاذ شريف رئيس تحرير البرنامج ارجوكم كفايه نقض والى حصل في الفيديو الناس إلى بتقول تمثيل ربنا يحسسكم بالقهره وىجع قلب الشريفه الحره المتقيه وبها لما يتقال عليها زانيه من شيخ انا غلط لما قبلت اطلع مع بسمه ويشفعلى جهلى بالبرنامج وطبيعته وغلط انها لما قالتلى ١١مره مفهمتهاش أن حلف بالطلاق فوق الميه مره يعنى ابقى مطلقه ميه مره وبعدين محدش ليه دعوه بحياتى الشخصيه جوزى وابنى وجوازى خط احمر من هنا ورايح والناس إلى بتقولى انتى إلى اتكلمتى وقولتى وعاوزين يرجمونى انا كنت بتسال وبحاوب مش انا إلى فتحت أي كلام وكنت بحاول اتهرب من الاجابه بس بسمه كانت مستميته على الترند من كلامى مكنتش مديانى فرصه نهائى غير إلى اتمنتج.

وتابعت: انا طلعت في برنامج على فضائيات محترمه على قناه كبيره مش طلعت في شقه مشبوهه تعبت كفايه استحلفكم بالله متسبوش إلى عمله والى قاله الشيخ وتمسكوا في غلطه انا معترفه بيها وبحكم شغلى كمذيعه بعرف اسال كويس بس بحد معنديش ملكه الرد ومش هقدر اوعدكم انى لو اتطلبت ضيفه في أي برنامج هوفض لان دا شغلى بس حياتى الشخصيه خط احمر ودا هيكون شرطى انا خدت كل الادويه بس والله من النكد ماقادره انام وكمان بدانا الاحراءات القانونيه سمعت انه مسح الفيديو بس خلاص سيفناه.

واختتمت الببلاوي: والمستشار القانونى بدا شغله وحسبى الله ونعم الوكيل وبعتذر على عدم الرد على الساده الصحفيين لان ام يعد لدى مااقوله والامر ترك للقانون والقضاء المصرى الشامح وعند الله تجتمع الخصوم.