النهار
السبت 21 نوفمبر 2026 02:47 مـ 10 جمادى آخر 1448 هـ
جريدة النهار المصرية رئيس مجلس الإدارة ورئيس التحريرأسامة شرشر
«نقل النواب» تحذر: المنتجات سريعة التلف لا تنتظر.. والشحن المتأخر يعني خسارة ملايين سكرتير عام الفيوم يعقد اجتماعاً مع رؤساء المدن ومديري المديريات لمتابعة الكفاءة الفنية للمركبات محافظ كفر الشيخ يهنئ بطلي المصارعة بذهبية وفضية بطولة إبراهيم مصطفى غرفة صناعات الطباعة والتغليف تشيد بتعاون مصلحة الجمارك في حل مشكلات المصنعين والمستوردين مصطفى المكاوي: زيادة الحد الأدنى للأجور تتطلب رقابة فعالة لمنع انتقال تكلفتها إلى الأسعار جولد بيليون: الذهب يخسر 8.9% عند أقل مستوى في 14 شهرا نائب وزير شؤون الأديان السريلانكي يكرّم وزير الشؤون الإسلامية السعودي عبداللطيف آل الشيخ غداً.. مصر وروسيا والسعودية في معرض «جسور الحضارات» بالأرقام.. محمد صلاح أفضل لاعب في الدوري التركي بعد 11 جولة ”تموين البحيرة”: ضبط 2000 عبوة ملح طعام مجهول المصدر وتحرير 27 محضرا لمخابز بلدية مخالفة حسن الرداد يكشف أصعب لحظات حياته: فقدت أبويا بعد أخويا وأمي كانت مصدر قوتي رئيس اقتصادية قناة السويس يشارك بالمنتدى الأول للدبلوماسية الاقتصادية المصرية اليونانية بالعاصمة أثينا

فن

ميار الببلاوي تواصل إثارة الجدل: نشوى مصطفى خدعتني وخلتني ألبس الحجاب

تحدثت الفنانة ميار الببلاوي، عن أزمتها مع الفنانة نشوى مصطفى، مؤكدة أنهما كانت تجمعهما علاقة صداقة قوية في بدايتهما الفنية، كما أن نشوى هي من نصحتها بـ ارتداء الحجاب.

وقالت الفنانة ميار الببلاوي، خلال حوارها مع الإعلامية مروة صبري، في برنامجها قعدة ستات، المذاع عبر شاشة قناة القاهرة اليوم: نشوى مصطفى، صاحبة عمري واشتغلنا وبدأنا مع بعض، وكانت حياتنا لذيذة لدرجة إنها كانت ورا قرار اتخاذي الحجاب، هي خدعتني خلتني أتحجب وهي كملت في الوسط.

وأضافت: أنا قُلت لها زمان إن خطيبي اللي هو أبو ابني دلوقتي، مش عايزني أسيب الشغل، قالتلي وإيه يعني إحنا ناس لو اختفينا مش هيتحس إننا اختفينا والموضوع أصلًا مش هيستمر وكلها كام سنة والناس مش هتتعرف علينا، واللي باقي البيت والعيال، وأنا روحت قعدت أفكر في كلامها وخدت قرار الجواز والحجاب، وقتها كنا بنصور مسلسل وقعدنا مع بعض في البريك بين المشاهد وهي أقنعتني بموضوع الحجاب، لأنها كانت بتنصحني بمنتهى الأمانة.

وتابعت: عمري ما ندمت على الحجاب، ولكن هي نصحتني بحاجة وأنا مقدرة، ولما حصل الموقف أنا اتصدمت لأني مكنتش متخيلة إنها الشخصية الخدومة الجدعة اللي دمها خفيف صاحبة صاحبها تعمل كده.

واستكملت ميار الببلاوي حديثها: أنا بتكلم إننا كنا قد إيه إحنا أصحاب وأنا كنت بحكي لها أسراري وإحنا مع بعض في الشغل، وخدت معاها قرار مصيري في حياتي، لما هي قلبت عليا القلبة دي والدنيا اتقلبت ومذيعين الإخوان والكوميكس وبقوا يقولوا شوفوا ممثلة محجبة بتعمل إيه؟.

واستطردت: الموضوع بمنتهى البساطة أنا أيام الكورونا جت الراقصة دينا قالت إحنا بنيجي على نفسنا وبننزل علشان نسعدكم في رمضان، أنا اللي ده في دماغي إنه لأ إنتي متنزليش وتعرضي نفسك للخطر، رمضان هيجلنا سواء كان فيه مسلسلات ولا مفيش مسلسلات، ولكن حرام تضيعي نفسك، رمضان هيجي من غير مسلسلات وده شهر طاعة.

واختتمت حديثها: الموضوع كان كبير، ونشوى علقت على الموضوع ده، وبعدين أنا كلمتها قالتلي لأ أنا مش زعلانة وصفينا كل حاجة، ولكن أنا اتصدمت لأن لما جه رمضان اللي بعده ونزلت صورت وقُلت مسلسلي في رمضان، هي قالت إنتي إزاي تنزلي تصوري في رمضان، مش قُلتي إن رمضان شهر عبادة، طب هو علشان رمضان شهر عبادة يبقى مشتغلش؟.