مشاجرة في عزا الراحل حلمي بكر بين أسرته والمنتجة ليلي الشبح وصلت للضرب والسباب

نشبت مشاجرة بين أسرة الراحل الموسيقار حلمي بكر والمنتجة ليلي الشبح وصلت لحد الضرب والسباب.

واتهمت المنتجة ليلي الشبح ، سماح القرشي ارملة الراحل حلمي بكر بتعذيبه، موضحة أن أرملة الراحل استأجرت بلطجية لأخذ جثمانه ودفنه قبل وصول نجله هشام من أمريكا .

وقالت ليلي الشبح في تصريحات صحفية لها عقب دفن الموسيقار حلمي بكر : مراته كانت بتعذبه ، وكان عنده برنامج في المدينة وسيد عمر المصور راح جابه وحجزته معاه وقفلت عليهم ، وعذبت حلمي وشتمت سيد عمر المصور بتاع المدينة .

وأضافت ليلي الشبح : مراته أساءت له وشتمته قدام سيد عمر ، وسيد عمر قالها طب إنتي قصتك مع جوزك خرجيني أنا من الشقة ، راحت شتمته …أنا مبتواصلش معاها خالص ، وأنا زعلت وقولت لحلمي بكر مترجعش ليها ، لأنها عذبته قبل كدا ، وجابت له بلطجية ، وكانت بتولع السجاير وتطفيها في جسمه ، ومكنش بيحبها وكان عايش معاها علشان بنته .

وتابعت : جابت بلطجية علشان تاخد الجثمان وتدفنه الساعة عشرة ، واللي حصل ده مينفعش ، ده قيمة وقامة لينا كلنا ومينفعش مراته تعمل كده .

كما علقت ليلي الشبح علي أزمة دفن الموسيقار حلمي بكر وعدم دخول الجثمان في ثلاجة الموتي أكثر من 12 ساعةً، قائلة : النقيب مصطفي كامل مقصرش ، ولكن كان لازم هشام نجل حلمي بكر واخواته يكونوا موجودين … وقبل كدا مرات حلمي جابت لأحمد أخوه بلطجية ، وكانت بينهم خناقات .