بيومي فؤاد: مبقدرش أقف دقيقتين والدم مش بيوصل لرجلي

أطلق الفنان بيومي فؤاد العديد من التصريحات خلال برنامج صاحبة السعادة ، وهي التصريحات التي دفعت به أن يكون ترند علي مواقع التواصل الاجتماعي، حيث كشف عن حالته الصحية ، قائلاً: بسبب السمنة عندي مشكلة في رجلي مبقدرش أقف دقيقتين لأن فيه وريد في الضهر بيوصل الدم لرجلي لما بطول في الوقوف بيضيق وبيخلي الدم في رجلي يقل ، ومبقدرش أقف ولازم أقعد ، وتواصلت مع دكاترة من برا ، ولكن مفيش وقت عشان أسافر وأروح لهم .

فيما علق بيومي فؤاد علي مقارنته بالراحل الفنان حسن حسني : مش بتكلم علي نجم كبير رحمة الله عليه حسن حسني … لو بيومي عمل دور كان مترشح له حسن حسني هيعمله ليه …. وأجري أنا أد أيه وهو أد أيه .

وقال خلال حواره مع الإعلامية إسعاد يونس عبر برنامجها المذاع علي فضائية دي إم سي : أكتر مدرسة كًوميدية لسمير غانم وسعيد صالح عندهم عشوائية بلا منطق وبحبها جدا، أما كوميديا عادل إمام ومحمد صبحي مدروسة .

وعن نصايح الزعيم عادل إمام له في قبول الأعمال ، قال : الزعيم قالي خلي كلمة لا لما تقولها ، تقولها بقوة وبدون تردد، وذلك بسبب أن أنا كنت بشتكي له علي الأعمال الكثيرة اللي بعملها وبأجر قليل .