تعرض الفنانة لورا عماد طليقة شريف منير لحادث سير..تفاصيل

تعرضت الفنانة لورا عماد طليقة الفنان شريف منير لحادث سير .

ونشرت لورا عماد فيديو لسيارتها عقب الحادث عبر حسابها الرسمي بموقع تبادل الصور والفيديوهات ( إنستجرام ) وعلقت : " عمري ما عملت حادثة في حياتي وطول عمري بقول إن الخوف من الناس اللي بتسوق حواليك مهما كنت أنت بتعرف تسوق ، وإن اللي ربنا كاتبهولك هتشوفه ".

وأضافت لورا : وأنك متملكش في نفسك ولا في اللي حواليك غير إنك تدعي لنفسك وللي حواليك إن ربنا يحفظنا ويلطف بينا ، أما أهم اكتشاف اكتشفته إن الزحمة آمن بكتير من الشوارع الفاضية السريعة .

واختتمت لورا قائلة: أما الحاجة التانية اللي أعرفها من زمان إن اللي بيمشي مبيتعبش بس بيسيب ناس اتكسر قلوبهم ، لأنهم حبوك من قلبهم ، بشكرك يارب إني مكسرتش قلب حد وإني طلعت منها علي خير، ربنا يحفظكم كلكم ويحفظ ولادكم من شر الطريق وشر الناس المستهتره ، وإن محدش مات حتي لو كان هو اللي غلطان لأني مش عارفة كنت هبقي عاملة ايه لو كان حد مات ، حتي إن كان هو الغلطان … أرجوكم ارحموا أهاليكم ومتموتهمش وهما عايشين .

وفي سياق آخر انفصلت الفنانة لورا عن زوجها الفنان شريف منير منذ أكثر من 3 شهور ، ومعها منه ابنتين فريدة وكاميليا ، وشاركت الفنانة لورا عماد في أعمال فنية أبرزها ( سوق المتعة ) للفنان محمود عبدالعزيز .