أسما شريف منير: قررنا نعمل ”هوديز” لدعم فلسطين و جزء من الأرباح هنتبرع بيه لأهلنا في غزة

دعت صانعة المحتوى أسما شريف منير جمهورها ومتابعيها وزملائها من صناع المحتوى الآخرين بالمشاركة في دعم غزة من خلال تقديم منتجات مصرية بالطريقة التي تتناسب مع طبيعة عملهم محتواهم الخاص، مشيرة إلى أنها قامت بصناعة "هودي" من منتجات محلية وتخصيص جزء من أرباحها إلى فلسطين.

وكتبت أسما شريف منير عبر حسابها الرسمي بموقع تبادل الصور والفيديوهات انستجرام: قررنا نعمل "هوديز" لدعم فلسطين و جزء من الأرباح هنتبرع بيه لأهلنا في غزة… أنا بجد من يوم ما بدأت الاحداث و أنا مش عارفه اشتغل و لا عارفه انزل الڤيديوز العادية بتاعتي، حسه بخجل غير عادي، و أنا مصدر رزقي الأساسي هو صناعة المحتوى و الدعاية ل الشركات، مكنتش عارفه اعمل اي حاجة، و حسه اني نفسي أساعد بأي شكل و مع تغير و تصاعد الاحداث قررنا نقاطع، و من ضمن المقاطعة في استخدام المنتجات كمان قطعت الشغل معاهم.

وتابعت حديثها قائلة: فجالي فكرة ال hoodies دي حسيت انها فكرة متكاملة الأركان، لاني مش حسه بتأنيب الضمير و أنا بعمل دعايا ليها و في نفس الوقت بشتغل عشان أنا زي اي حد محتاجة شغلي و عندي التزامات، بس حسيت اني كده بشجع منتج محلي و بدعم القاضية، بدعمي ليها ده اني بتبرع بجزء من الأرباح و بينشر رساله توعيه عن الاحداث و بخلي اسمها باقي.. و أنا بدعو كل صناع المحتوى انهم يقدموا منتج مصري محلي بطريقتهم لدعم فلسطين و كلنا نشجع بعض عشان نعدي المحنه دي مع بعض.