شريف منير يكشف تفاصيل جديدة فى اللحظات الأخيرة لـ طارق عبد العزيز

كشف الفنان شريف منير تفاصيل جديدة عن لحظة رحيل الفنان طارق عبد العزيز الذى كان يشارك فى مسلسل "وبقينا اثنين".

وقال شريف منير في لقاء مع et بالعربي: قررنا أن منجبش حد يعمل الشغل اللي عمله، عز علينا إنه ميبقاش موجود معانا في المسلسل قدرنا نغير في الدراما بحيث أن حد هيكمل، هو كان بيقدم دور صديقي أوجدنا طرف تالت، صديق تالت يكمل معايا الأحداث لكن مكنش ينفع ميبقاش موجود.

وأوضح شريف منير : طارق في اليوم ده كان نشيط أوي ومقبل على الحياة دمه كان خفيف وبيهزر مع الكل، عملنا مع بعض مشهد وكان عظيم، وبعدين بدأنا نجهز للمشهد التاني، كان مشهد فرق ما بين الحياة والموت 3 أو 4 خطوات هو كان واقف مستعد ورا الكاميرا وأنا كمان ورا الكاميرا وبيني وبينه 4 خطوات والمفروض يدخل الكادر ويقول كلامه وأنا بدخل بعديه أقول جملتين، عملنا بروفه وصورنا أول مرة ولما أستاذ طارق رفعت طلب إعادة المشهد وقفنا مكانا وقال أكشن، طارق اتجه ناحيتي وبعد 4 خطوات نفذ السر الإلهي.

أبطال مسلسل بقينا اتنين

يضم مسلسل بقينا اتنين عددا كبيرا من النجوم أبرزهم: شريف منير، ميمي جمال، رانيا يوسف، عمرو وهبة، تامر فرج، وعدد آخر من الفنانين، والعمل من تأليف أماني التونسي وإخراج طارق رفعت، وتدور أحداثه في إطار اجتماعي تشويقي.