بسمة بوسيل : بنتي عملت براند لنفسها وبعلم أولادي البزنس

تحدثت الفنانة المغربية بسمة بوسيل طليقة الفنان تامر حسني ، عن علاقتهم بأبنائهم ، مؤكدة أنها طيلة الوقت تعمل علي تنمية مهارة التجارة لديهم .

وقالت بسمة بوسيل في تصريحات تليفزيونية لها عن أبنائها : أنا طول الوقت شغلاهم بحاجات تشغل دماغهم ، هي بتبقي متعبة ولكن أحسن من أن يضيعوا وقتهم في اللعب ، أنا بحس أن المدارس مبتعلمناش اللي الحياة بتعلّمه لينا ، وأنا بنمي البيزنس في شخصية ولادي وبقيت أوديهم معايا اجتماعات ، وبنتي عندها عشر سنين وعملت براند لنفسها واختارت اسم واللوجو وكنت مبسوطة أوي بيها .

وأضافت بسمة بوسيل : ولادي علموني حاجات كتير أوي وأولهم أعرف قيمة أمي ، وهما أكبر إنجاز عملته في حياتي ، وهما الحب الحقيقي وأصدقائي، بيحسسوني بأحلي المشاعر اللي في الدنيا بدون مقابل ، وهما طول عمرهم أولوية بالنسبة لي ربنا إدالي أحلي حاجة في الدنيا .

وأضافت : طبيعي أن أولادي يطلعوا بيغنوا علشان صوتي وصوت أبوهم ، وحاسة إن مايا هتبقي نجمة .

وتحدثت بسمة بوسيل عن طلاقها من تامر حسني قائلة: أصعب قرار خدته في حياتي هو قرار الطلاق ، لأنك بتبني حاجات وفجأة تكتشف أنها لازم تتهد ، أعتقد أن أولادنا متفاهمين موضوع الطلاق ، لأنهم شايفين العلاقة بينا بقت أحسن ، ومش بالضروري إننا معرفناش نكمل كزوجين منبقاش أصدقاء .