صاحب واقعة الكشري: بدعي من ربنا أن التريند يسيبني في حالي

رد محمد عادل، المعروف إعلاميا بعامل النظافة صاحب واقعة الكشري، على حديث الفنانة بدرية طلبة بأنه يسعى خلال الفترة الحالية لتصدر الترند من جديد بسبب تغيير مظهره، موضحا أن كلامها غير صحيح.

وقال محمد عادل، في تصريحات خاصة لـ "النهار"، أنه لا يسعى للتريند، بل التريند هو الذي يجري خلفه كل فترة، وذلك على حسب وصفه.

وتابع محمد عادل: "التريند اللي مش عاوز يسبني، أنا بدعي من ربنا أن التريند يسيبني في حالي، كل شهر بلاقي تريند جديد عليا لكن بدرية طلبة تطلع تتكلم عني بصفة إيه!؟".

ووجه محمد عادل رسالة للفنانة بدرية طلبة قائلا :"سيبي الناس في حالها ومتبصيش في رزق حد.. علشان الرزق ده بتاع ربنا".

وقالت الفنانة بدرية طلبة، خلال برنامج "من غير نفسنه"، الذي تقدمه عبر فضائية "هي"، أن هناك أشخاص يفعلون أي شيء لمجرد ركوب الترند، موضحة أن هناك عدد من البرامج تستضيف هؤلاء الأشخاص وتسلط الضوء عليهم، وهو أمر يساعد على زيادة شهرتهم.

وتابعت بدرية طلبة حديثها عن صاحب واقعة الكشري،"الكل بيقلد بعضه يعني البرنامج ده جاب فلان تلاقي البرنامج اللي بعده جاب نفس الشخص.. وبتاع الكشري ده جاب منين العربية والتليفون اللي معدي الـ 40 ألف جنيه، جيبوه وإسألوه جاب كل ده منين؟".

واختتمت بدرية طلبة حديثها موجهة رسالة للبرامج قائلة:"الإعلام لو معبرش الناس دي هتتلم، ومش هيبقى شكلنا وحش أوي قدام الدول، وبشوف تعليقات قاسية أوي".