انتصار: دايما بتحمل بلاوي تأخير الزملاء وبعاني من خدمة العملاء

أعربت الفنانة انتصار عن استيائها الشديد من تأخر زميلاتها في البرنامج بسبب عدم احترام المواعيد، بجانب حديثها عن الشركات التي تنتحل شخصية توكيل الأجهزة الكهربائية وتعمل تحت اسمها.

وقالت انتصار في مقدمة برنامجها "من غير نفسنة" الذي تقدمه مع الفنانة بدرية طلبة، ونوليا، أنها تتحمل تأخير زميلاتها، موضحة أنها لم تسأل أحد منهم عن سبب تأخيره.

وتابعت انتصار: "إحنا بنتكلم على احترام المواعيد، ولكن منجيش نتكلم على الزحمة القاتلة، إزاي نطلب من حد يوصل في ميعاده ومفيش ظروف ملائمة؟، ولكن دلوقتي في طريق واتنين وتلاتة الناس تمشي منه".

وأضافت الفنانة انتصار، أنها تعاني من خدمة العملاء، والأشخاص الذين ينتحلون صفة عامل الصيانة، معلقة بقول:"هو في حاجة اسمها استني العامل من 9 لـ 3، يعني متحركش من البيت وأفضل مستنياه؟، ولا زم أنتبه للتليفون علشان لو اتصل ومردتش باخد ميعاد بعدها بشهر".