صاحب واقعة الكشري لـ بدرية طلبة: عندي عربية أو فيلا ده رزق وربنا باعته .. وخليكي في حالك

علق محمد عادل، المعروف إعلاميا بعامل النظافة صاحب واقعة الكشري، على تصريحات النجمة بدرية بشأن امتلاكه سيارة فخمة وهاتف ماركة "آيفون" يتخطى سعره الـ 40 ألف جنيه، موضحا أن الله عز وجل يرسل لكل شخص رزقه في الميعاد المحدد له.

وأضاف محمد عادل، في تصريح خاص لـ "النهار"، أنه ليس من حق أحد أن يتدخل في شئونه الخاص أو يسأله عن سيارته أو غيرها من الممتلكات التي حصل عليها، معقبا :"وهي مالها ما تخليها في حالها".

وتابع محمد عادل: "دي أرزاق بتاعت ربنا.. انتي بتتكلمي بأمارة إيه..رزق وربنا باعته أنتي ليه بتصبي في رزق الناس.. فيلا أو عربية أو أيفون إيه المشكلة في كده!؟".

وقالت أمس الفنانة بدرية طلبة، أنه هناك أشخاص يفعلون أي شيء لمجرد ركوب الترند، موضحة أن هناك عدد من البرامج تستضيف هؤلاء الأشخاص وتسلط الضوء عليهم، وهو أمر يساعد على زيادة شهرتهم.

وتابعت بدرية طلبة حديثها عن صاحب واقعة الكشري،"الكل بيقلد بعضه يعني البرنامج ده جاب فلان تلاقي البرنامج اللي بعده جاب نفس الشخص.. وبتاع الكشري ده جاب منين العربية والتليفون اللي معدي الـ 40 ألف جنيه، جيبوه وإسألوه جاب كل ده منين؟".

واختتمت بدرية طلبة حديثها موجهة رسالة للبرامج قائلة:"الإعلام لو معبرش الناس دي هتتلم، ومش هيبقى شكلنا وحش أوي قدام الدول، وبشوف تعليقات قاسية أوي".