بدرية طلبة: في ممثل قطع رزقي ومشاني من أعمال كتيرة.. كان بيخاف أكل منه الجو

كشفت الفنانة بدرية طلبة أنها تعرضت للظلم على يد أحد زملائها في الوسط الفني، والذي تسبب في استبعادها في عدة أعمال.

وقالت بدرية طلبة خلال برنامج “من غير نفسنة” الذي تقدمه مع انتصار ونوليا على شاشة “هي”: تخيلي أن راجل يطلب أني مكنش قدامه في مشهد، هاكل منه الجو، أنا المخرجين بيتعاملوا معايا أني بدون عقل.

وتابعت بدرية طلبة: انا بشوف حاجات واشتغلت مع نجوم كبار جدًا سواء برا مصر وجوه مصر، راجل يتضايق من وجودي في عمل، ويمشيكي في عمل وقطع رزقي، وللأسف هو نجم مقشف، بيكون عايز يثبت الإفيه بتاعه ويوصل الأمر أنه يتقال في شغل وفي بدرية يقول لأ، ويتقاله بدرية أه وانت لا والمخرج ده ربنا يبارك فيه

واستكملت بدرية طلبة: الأرزاق بتاعت ربنا، بس هو مبيحبش بدريه وهو عارف نفسه، مشيت من عمل واتنين بسببه، المخرج قاله عايز تقطع رزق زميلتك.

برنامج “من غير نفسنة” تقدمه كل من الفنانة انتصار وبدرية طلبة ونوليا، يعرض يوميًا من السبت إلى الثلاثاء على شاشة “هي”، ويقدم عددًا من القضايا الاجتماعية بطريقته الساخرة والخاصة من خلال استضافة عددًا من الشخصيات المؤثرة على السوشيال ميديا والمشاهير والفنانين لمعرفة آرائهم في تلك القضايا.