عمر محمد رياض: فيلم ”حجر إيجابي” صعب .. وكنت طاير من الفرحة لما والدي طلب مشاركتي في العمل

شارك الفنان الشاب "عمر محمد رياض"، تفاصيل فيلمه المنتظر "حجر إيجابي"، والذي من المقرر عرضه خلال الفترة القادمة، والذي يُشارك في البطولة معه والده الفنان "محمد رياض."

وبحسب تصريحات تلفزيونية قال الفنان الشاب "عمر محمد رياض"، فيلم "حجر إيجابي" كان صعب جدًا، لأن إحنا اتنين شباب لسة متخرجين من الجامعة كان حلمهم يعملوا فيلم يقدروا يبعتوه مهرجان ويحاولوا يكون في منصات تتولاه، وتابع "عمر" كان الموضوع مش سهل لأني مكنتش بشتغل بـفريق عمل كامل ومن غير إنتاج."

وأضاف الفنان الشاب "عمر محمد رياض" فيلم "حجر إيجابي" كان هيحتاج وقت كبير علشان يتعرض، ودلوقتي إحنا بنتحرك في الجهتين إننا نعرضه في المهرجانات وفي منصة قريب هتتولى عرض الفيلم، وتابع "عمر" هنعرض الفيلم عرض خاص في إحدى السينمات الشهر اللي جاي.

وأستكمل الفنان الشاب "عمر محمد رياض" حديثه، عن مشاركة والده الفنان محمد رياض، في بطولة فيلم "حجر إيجابي"، "أنا مطلبتش منه يشارك في الفيلم، وطبعًا أنا محظوظ أن أستاذ "محمد" يشارك خاصة أن كلنا شباب ومحتاجين خط قوي معانا في الفيلم، وأشار "عمر محمد رياض" "أنا عارف ظروف شغله ومواعيد تصوير فمحبتش إني أضغط عليه وأطلب منه المشاركة".

وقال "عمر محمد رياض" فوجئت أن أبي "محمد رياض" هو اللي طلب يشارك بعد ما عرف قصة الفيلم وحبها، واتحمس للموضوع وشاف أن الدور اللي هيعمله شاف أنه هيكون مختلف بالنسبة ليه، وطبعًا كنت طاير من الفرحة."

وأشار الفنان الشاب "عمر محمد رياض" إلى "إحنا مش بنركز على فكرة المرض والجائحة واللي حصل في العالم، إحنا بنتكلم على التغيير في سمات الشخصية في فترة الحجر"، وتابع "عمر" .. "الحجر أثر علينا بشكل إيه، وعايزين نشوف الجانب الإيجابي للحجر للشعب المصري في الفترة دي"، وأكد "عمر" "ده بنرصده من 3 طبقات مختلفة للشعب، إن إزاي قدروا يتعاملوا مع الموضوع وإزاي أثر فيهم."

وأختتم الفنان "عمر محمد رياض" حديثه قائلًا "3 طبقات دول بيربطهم دكتور كل واحد فيهم كان بيتعالج عنده ده اللي هو أستاذ "محمد رياض"، وهو اللي بيحكي للناس تجربتهم، ثم تتوالى الأحداث".