آية شعيب: الجواز مقبرة للحب و 90% من علاقاتنا توكسيك

استضافت الإعلامية والفنانة سارة نخلة صانعة المحتوى آية شعيب في حوار جريء حول الزواج وأسباب فشله خاصة مع ارتفاع نسبة الطلاق في مجتمعاتنا.

وصرحت اية خلال لقاءها في برنامج "فيس اوف" المذاع على قناة "هي"، : اغلب الناس بتخلف بنزعة أنانية، يشيل اسمي، يشيلني لما اكبر، ونس يونسني، فكلها تفكير اناني.

واضافت آية: لو رجع بيا الزمن ماكنتش هخلف ابني رغم أن روحي فيه، بس ماكنش عندي الوعي دة.

ولفتت اية الي ان الزواج مقبرة للحب لأن شعلة حب البدايات ليست قادرة على فتح بيت و استمراره فالزواج ليس هدف بحد ذاته بل هو اختيار اتنين مناسبين فقط.

وتابعت اية: السبب الرئيسي لزيادة نسبة الطلاق هي الأنانية من الطرفين، ومفيش حاجة اسمها اتجوز عشان استقر، انت المفروض تبقى مستقر ثم تتجوز بجانب تقبلك لاختلاف شريك حياتك عنك.

واضافت شعيب: 90 ٪ من علاقاتنا سامة وأغلب عيلتي مطلقين و دة اللي سايب خلفية سيئة عندي وخلتني اتوقع السيء دايما، فيما أكدت اية أن الانفصال لا يعنى سوء الطرفين بل هو عدم توافق بين الطرفين فقط.

وقالت اية في تصريح جرئ: لو مكنتش اتجوزت بدرى كنت فكرت في تجميد البويضات