رانيا يوسف: صعب اتجوز تاني بعد ما عانيت في الطلاق والنفقة

قالت الفنانة رانيا يوسف، إنها يصعب عليها خوض تجربة الزواج مرة أخرى، بعد معاناتها في زيجاتها الثلاث السابقة، خصوصًا فيما يتعلق بالطلاق والنفقة.

وبحسب «يوسف»، في تصريحات تلفزيونية: "ما عنديش استعداد أكرر الغلطة رابع مرة، أنا واحدة من الستات عانيت في قصة الطلاق والأطفال والنفقة في المحاكم وتحت الوصاية ناقش القصة دي ودا الوقت اللي لازم نعمل حاجة فيه ونغير في القوانين الموجودة لصالح الأطفال أولًا، ومصلحة الستات اللي عاوزة تاخد حقها".

وكشفت عن الصفات التي تكرهها في الرجل، قائلة: "مش باحب الراجل الرغاي لأني مش بتكلم كتير ولو حسيت إنه بخيل وبصباص بعمل له دليت".

وفي وقتٍ سابق، تحدثت الفنانة رانيا يوسف، عن زيجاتها، مؤكدة أن زواجها من المنتج محمد مختار كان الأنجح بين الثلاث زيجات، قائلة: "لتجوزت 3 مرات وأول زيجة هي الأنجح بالنسبالي والباقيين ماكانوش ناجحين، وعلاقتي بـ أبو بناتي مش كويسة خالص وكنت أتمنى إننا نفضل صحاب، وزيجتي التانية كان قرار غلط ومع الشخص غير مناسب وزيجتي التالتة كانت تحت ضغط ولادي وولاده".

وأكدت، أن قرار الطلاق بالنسبة لها كان صعبًا، ما اضطرها إلى قص شعرها، قبل اتخاذه، قائلة: "قرار طلاقي كان صعب وقصيت شعري عشان أعرف أخده".