التريند جنن الناس.. تامر حسني يرد على هجوم أحمد آدم

رد الفنان تامر حسني على هجوم الفنان أحمد آدم خلال برنامجه «آدم شو»، معتبرًا أنه يقدم نموذجًا للهث وراء التريند، الذي جنن عقول بعض الناس في العصر الحالي، بحسب وصفه.

ودوَّن تامر، منشورًا عبر حسابه على موقع تبادل الصور والفيديوهات «إنستجرام»، جاء فيه: أستاذ أحمد آدم فعلا بيدي درس حقيقي بيشرح فيه سمات العصر الحالي اللي كلمة تريند فيه جننت عقول بعض الناس وخليتهم يبيعوا مبادئهم وصداقتهم وأمانتهم، لمجرد إن الناس تعرفهم أو تتكلم عليهم.

وأضاف تامر حسني: "ولو ليوم واحد ونسيوا أنه لا يصح إلا الصحيح عشان ده عدل ربنا، وأي أفاقين مع الوقت هتلاقيهم بيختفوا والمحترم الحقيقي هو اللي بيستمر أصل لما نهتم ونرد على كل كداب أمال اللي بيحبونا نعمل معاهم إيه!"

واستطرد: "حقيقة أن فعلا الكلام السلبي هو اللي انتشر شكرا أستاذ احمد آدم لكلامك وإشادتك الحقيقية في حقي هي شهادة عظيمة من فنان محترم وكبير بفنه وأخلاقه".

وفي وقتٍ سابق، هاجم أحمد آدم، تامر حسني، خلال برنامجه «آدم شو»، قائلًا: "تامر حسني مين مش واخد بالي، مش كفاية عليك كده بقى واللا إيه، أول ما طلع طلعلنا شعر صدره وقعد يمصمص في شفايفه ويسبّل للبنات".

وأضاف «آدم»: "وبيقدم شوية أغاني تعبانة ويعني إيه أكتر حاجة بحبها فيكي طيبة قلبك، إسفاف، وأفلامه وحشة جدًا، وهو اللي بيألف وبيخرج وهو اللي بيعمل موسيقى تصويرية، وهو اللي بيقطع التذاكر بيعمل كل حاجة، أنت مغني ولا كوميديان ولا أنت إيه بالظبط؟ كفاية عليك كدا".