إلهام عبدالبديع: أرفض أدوار الإغراء ولن أنسى نصيحة تامر حسني

تحدثت الفنانة إلهام عبد البديع عن رأيها في تقديم أدوار الإغراء، مؤكدة رفضها لها.

وكشفت «عبدالبديع»، خلال لقائها مع الإعلامية راغدة شلهوب ببرنامج «نص الكلام»، المعروض على فضائية «النهار»، أنها رفضت من قبل فيلم مهم بسبب مشهد في السرير، قائلة: "جالي بطولة مع مخرج كبير جدا، كان أول مشهد في السرير واعتذرت عن الفيلم اللي لو كنت عملته من 4 سنين كان زماني رقم 1، لكن ما ينفعش".

وأوضحت الفنانة ريهام عبد البديع، أن الإغراء لا يقتصر على مشاهد السرير وحسب، ويمكن تصويره بحركات بسيطة، مثل نظرة العين مثلًا، مضيفةّ: "بس أنا ما باعملش الأدوار الساخنة، وهي مبقتش بتتعمل زي زمان في التسعينيات والناس مش بتبقى متقبلاها وأنا بحاول أراعي الإطار اللي موجودة فيه وأخلي بالي من أدواري".

وأشارت إلى موقف جمعها بالفنان تامر حسني، قدم خلاله نصيحة لها لن تنساها، وقالت: "في مشهد واحد مرة عملته في فيلم أول مرة سينما وقتها تامر حسني قالي: بصي أنا بحبك كده من غير مكياج وشعرك منكوش لما هتدخلي على الناس كده هيحبوكي مش لازم تعملي دور معين عشان الناس تشوفك، وتامر مش قريبي ومكناش اشتغلنا سوا في «أهواك»، وبعد سنين اقتنعت بكلامه، والناس بتشوفني بيقولولي بنحسك بنتنا أو أختنا".