ميرفت أمين تهنئ أيمن بهجت قمر على تخرجه..والشاعر الغنائى يرد:كده خدت الهدية

أعرب الشاعر الغنائى أيمن بهجت قمر، عن سعادته الشديدة بعد مكالمة النجمة ميرفت أمين لتهنئته بحصوله على البكالوريوس بعد فترة طويلة من التوقف.

وكتب أيمن بهجت قمر، عبر حسابه على تويتر، قائلا:" شوفوا بقى وبأمانه كلكوا تباركوا لي بالتخرج كوم لكن حبيبتي وحبيبة الكل ميرفت امين تكلمني تبارك لي كوم تاني انا كده اتخرجت وأخدت الهديه ومش عايز حاجه خلاص".

أيمن بهجت قمر

وحل أيمن بهجت قمر، الخميس الماضى، ضيفا على الإعلامية منى الشاذلى في برنامج "معكم"، و تحدث عن رحلة كفاحه و البكالوريوس و أعماله الفنية.

وقال: "أنا قررت أخوض التجربة وأذاكر واجتهد، وعشت التجربة بكل حاجة فيها، وكان عندى مشروع التخرج، والشباب اللى معايا لما اتولدوا كان عندى 26 سنة، وأمى أكثر واحدة فرحت بنجاحى، زوج خالة أمى إسماعيل يسو، ووالدى طلب ايدها منه، ورفض قاله انت لسه مش جاهز دلوقتى، وقال: أمى حضرت الفن الحديث كله وعبد الحليم كان عندهم في البيت وتعايشت مع الوسط الفني من أحلى نافذة وقولتلها هعمل مسلسل وأسميه قصة حياة أمى".

وعلق الشاعر الغنائي، إن والده توفى، عندما كان في الصف الثالث الإعدادي ثم انتقل للعيش مع والدته لأنهما كانا منفصلين، مردفا: "والدى كان عايش حياة عزاب وحسن مصطفى قال لوالدى انت هتبوظ الواد لازم ينام بدرى ووالدتى كانت عاوزة بقى تربى وقررت إنى أرجع بيت والدى".

وأضاف: "والدتى كانت مأجرة البيت لشباب من المنصورة علشان تساعد في مصاريف البيت عاملينها مكتب استيراد وتصدير ورحت قولتلهم أن والدتى طردتنى من البيت وأنا مش لاقى مكان أبات فيه قالولى اتفضل اقعد معانا ولما سافروا غيرت الكالون وقولتلهم عندكم أمى روحوا اتصرفوا معاها".