ماذا لو تويتر موجود أيام حرب أكتوبر 1973

ساهمت مواقع التواصل الاجتماعى فيس بوك وتويتر إلى حد كبير فى تداول أخبار المظاهرات وتواصل الشباب فيما بينهم وبالتالى فى نجاح الثورة وإسقاط النظام، لكن ماذا كان يحدث لو كان تويتر أيام حرب أكتوبر عام 73 ؟!!يعد لو كان تويتر موجودا فى 73 من أنشط الهاشتجات على موقع التواصل الاجتماعى تويتر خلال الساعات الماضية، والتى استخدمها العديد من النشطاء بطريقة ساخرة لتدوين ما فى مخيلتهم في حالة لو كان تويتر موجودا عام 73 ودوره فى حرب أكتوبر.علق العديد من النشطاء فى الهاش تاج ومن بينهم محمد حسام قائلاً: كان السادات هيكتب فى حسابه: ذات مومنت لما يبقى أرضك محتلة وتدخل حرب وتكسبها، وأضاف علاء الباز: كان زمان الصهاينة عرفوا ميعاد الحرب لأننا كنا حنعمل لها ايفينت قبلها بيومين، وقال أحمد عصام: كنت حتلاقى ناس بعد خبر العبور يقولوا كفاية بقى خربتوا البلد عايزين البلد تستقر.ومقارنة بما حدث بعد الثورة، قال أحمد سعيد: هيتعمل استفتاء على عبور بارليف.. هتلاقى الشعب معترض عشان الاستقرار، وأضاف باسم بركات: كان زمان اول واحد عبر ورفع علم مصر عنده فولورز اكتر من البرادعي، بينما قالت جوزفين ممدوح: كانت هتتطل أغنية تقول شهداء 6 اكتوبر, ماتوا في احداث اكتوبر، وأضاف محمد محفوظ: كان ربنا رحمنا من المؤرخين الحمضانين اللى بيزيفوا التاريخ، وقال رامى الجزار: كنت هلاقى التليفزيون المصرى جايب فيلم عربى والجزيرة بتذيع الحرب بث مباشر.وأضاف ماهر حجازى: كنت هتلاقى البلد كلها بقت بتتكلم فى خطط الحرب وكلها بقت قادة عسكريين، وقالت نادين أسامة ساخرة: كان هيبقى تسليح الجندى المصرى بندقية آلى وخزنتين احتياطى و1000 طلقة وبلاك بيرى.