سهير البابلي: كنت عارفة ان بكيزة وزغلول مش هينجح والناس كانت بتخطفنى في الشارع

أعادت قناة Dmc، عرض حلقة الفنانة الراحلة سهير البابلي في برنامج "صاحبة السعادة" مع الفنانة إسعاد يونس والذى تم تسجيلها منذ 7 سنوات، وتحدثت سهير البابلى عن بدايتها وعن كواليس مسلسل "بكيزة وزغلول"، قائلة: "فتوح نشاطى هو اللى خلانى أمثل جابنى من المعهد، وكل زملائى في الدفعة كانوا بيحبونى، وكنت مؤدبة معاهم وعمرى ما اتخانقت مع حد ودايما بضحك صحابى، وبكون في قمة السعادة لما أضحّك الناس وأنا على المسرح".

وعن مسلسل بكيزة وزغلول قالت سهير البابلي: "كنت مخضوضة أوى وعارفة إنه مش هينجح وكنت طبيعية زيادة عن اللزوم وانتى كمان يا إسعاد، لأن وقتها قلت أكيد الناس عاوزة تمثيل باللغة عربية، لأن دى كانت اول مرة في التليفزيون يتعمل حاجة بالشكل ده، والناس في الشارع كانوا بيخطفونى.

وقالت إسعاد يونس: "أثناء عرض الحلقة التالتة من بكيزة وزغلول وكنت بتفرج أنا وزوجى وجرس الباب خبط وطلع المنتصر بالله راح داخل بصوت عالى وقال المسلسل نجح قلناله اشمعنا قال الشارع فاضى".

وتابعت سهير البابلي: "المسلسل كان كبير وكل عناصر العمل حلوة وكان مُتعب؛ لأننا لازم نضحك الناس وإحنا نفسنا كنا بنموت على نفسنا من الضحك، وأنا مشوفتش اتنين جم زينا يقولوا الكلام اللى يجى في بالهم مش في النص".