النهار
الجمعة، 29 مايو 2020 03:08 مـ
النهار

منحازون... للحقيقة فقط

رئيس مجلس الإدارة ورئيس التحريرأسامة شرشر

رئيس مجلس الإدارة ورئيس التحريرأسامة شرشر

صحافة المواطن

وجهه نظر ..” الاختيار ” درس فى محبة الوطن

أميرة محمد حسن
أميرة محمد حسن

كتبت : أميرة محمد حسن

يا أبيض يا أسود .. مفيش مناطق رمادية فى محبة الوطن خاصة فى اللحظات المصيرية لما الاختيار بيكون بين أن تكون درعاً و سيفاً لوطنك ، أو خنجرٍ مسموم  فى قلبه يغرسك الأعداء حيثما شاءوا بعد أن يستعبدوك .. ؟!

لقد تابعت مثل ملايين المصريين مسلسل " الاختيار " و ما صاحبه من حالة يقظة شعبية تعرف خلالها  وربما بعضهم لأول مرة على حقيقة الصراع بين الوطن و أعداء الوطن بين الجيش والشرطة والشعب من جهة والتكفيريين من جهة أخرى .

وسيذكر التاريخ أن المسلسل نجح فى أن يجمع المصريين من على حب الجيش ورجالته طوال شهر رمضان أعادة الله عليكم بكل الخير ، هذا فى الوقت الذى فشل فيه إعلامنا وبجداره فى أن يوصل معلومه واحدة تفيد او تعرفنا يعنى ايه تكفيريين ويعنى ايه تنظيم إرهابى دولى... هناك دول تحركه و تدعمه .

دول بتقدم وبترعى مرتزقه ..." التكفييرين " كفرونا كلنا وقالوا علينا طواغيت سواء كنت داخل الجيش او مدنى بتأيد جيش بلدك... وضح أن الناس عايزه تفهم وتعرف وبتدور طول الوقت على معلومه تفيد وتقربنا من فهم اللى بيحصل حوالينا..

لازم نعترف أن إعلامنا ترك الساحه للأقزام ...فبرطع فيها ناصر وزوبع ومطر يرددون الزيف و يبيعون الأكاذيب ..ظل رجل الشارع يريد رؤية الحقائق حتى تحققت أمنيته عبر مسلسل الاختيار الذى يُحسب لصناعه عدم المبالغة وتقديم الحقائق و توضيح الملتبس منها .. مسلسل الاختيار كان اجمل اختيار فى هذا الشهر الفضيل ..كان الاختيار اختيار الوطن.. واختيار الحق ...اللى شفناه دى مشاهد مافهاش اى مبالغه دى فعلا حياة أبطالنا فى الجيش و الشرطة فى مواجهة القتله

..بنسمع كتير عن مصطلح الدعم اللوجيستى

..وطبعا البرامج الحلوه بتعدى الكلمه وكأنها كلمه بنسمعها في طبق اليوم...اللى شفناه من اسلحه وتخطيط لضرب كمين البرث ..فسر هذا المعنى وكيف يتم امداد هؤلاء التكفيرين بأحدث الاسلحة ..كما رأينا أيضاً دعم مادى للمرتزقه ..امداد

وتسليح وتدريب قتالى عالى جدا يتم الإنفاق عليه بسخاء كبير .

تنظيم دولى فتح خزائنه لتمويل الهجوم على الجيش و الشرطة والمؤسسات ..ولو انت كصحفى او قناه اعلاميه مقدرتش توصل للناس العادية اللى بيحصل وحصل وحايحصل..يبقا انت فشلت ولا تلوم على المواطن العادى اللى بيسأل اسئله وعاوز إجابات ممكن يلاقى اجابه غلط ومعلومه خبيثه وبدل ما يقرب من بلده بيبعد عنها مسافات

الشهيد أحمد المنسى ورجالته محدش ساب سلاحه ولا كان جبان... و يا لها من عبارة جميلة رددها المنسى " يا رجاله ...نثبت مكانا ونحافظ عليه ...الوطن غالى واللى ضحوا بحياتهم يستاهلو اوى اننا نحافظ على بدأوه واللى قدموه... "

عبارة لخصت يعنى أيه تضحية و فداء و محبة الوطن ، و الدفاع عن أرضه

اللى شفناه فى كمين " البرث " حرب ...حرب مكتمله الأركان...ملحمة وطنية ..ابطالها شجعان يستحقوا تخليد بطولاتهم و فخرنا بهم

منسى ..الشبراوى...خالد دبابه...العسكرى على .. قائمة من الفرسان الشجعان النبلاء لمصر أن تفخر بهم و بأمثالهم ليوم الدين و على مر التاريخ

قصص واقعيه عاشها أولادنا بكل فخر وعزة ...

و اقولها لكل واحد فى جيش مصر .. النصر لنا بأذن الله و مبروك عليكم الجنة يا شهداء الوطن وربنا يقوينا جميعاً على ما هو قادم .. حفظ الله مصر وجيشها و أمنها و شعبها و جعلهم فى رباط ليوم الدين و كل عام والجميع بكل الخير .

كمين البرث منسى ورفاقة التكفيرين مسلسل الاختيار