سادت حالة من اللهفة من جمهور الهضبة عمرو دياب، بعد إصدار بوستر ألبومه الجديد" كل حياتى" وترقب موعد طرحه، الأمر الذى جعل عمرو دياب فى قائمة الأكثر تداولا على موقع تويتر.

 

انقلبت مواقع التواصل الاجتماعى رأساً على عقب، منذ طرح صورة من بوستر ألبومه الجديد "كل حياتى" المقرر طرحه الصيف الحالى 2018، وتنوعت التعليقات حول نيولوك الهضبة وصورته وارتدائه نظارة شمسية.

قالت شيماء:" الجو كان حر وفجأه دخلت نسمه هوا علينا عمرودياب هو نسمه الهوا بتاعت الصيف يا مسهل ابتدت تندع أيه بس أنت تغني و أحنا معاك".

 

وعلق هانى :" نفس الفرحة هيّ هيّأكتر من 20 سنة و أكتر من 31 ألبوم و نفس الفرحة اللي بكون فيها و نفس المود الحلوّ اللي بكون فيه و نفس متابعتي لأخبار الألبوم و ميعاد نزوله والشوق واللهفه  عمرو ده حالة !!"، وغردت  دينا:" البوستر بس بقي تريند رقم واحد في ناس نزلت ألبومات كاملة معدتش من هنا حبيبي يا هضبة".

 

 

وأضافت منة، " يلا ياعمورة نزل الألبوم بقي عايزينه يجلجل علي الشواطئ وداخل العربيات والمحلات عايزين نتسحل شوية". وغرد  غريب:" من أجمل البوسترات في تاريخ الهضبة وعاجبني أوي البساطة اللي فيه وهو بالنسبه الي الأفضل بعد بوستر غنوة القاهرة".