بالفيديو.. عمرو أديب: «اللي بيحتكروا الرز كفرة»

هاجم الإعلامي عمرو أديب على بعض التجار بسبب أزمة الأرز ، وإعلان الحكومة عن قرارها باستيراده من الخارج لسد احتياجات السوق قبل شهر رمضان المبارك، قائلًا: «اللي بيحتكروا الرز كفرة.. وناس معندهمش ضمير».

وقال «أديب» خلال برنامجه «القاهرة اليوم» المعروض على فضائية «اليوم»: «إحنا بنتتج رز بيكفينا يكاد يكون من المحاصيل القليلة اللي بتكفينا، ومظنش في محصول تاني، وأوقات كتير بنصدره، وله شهرة كبيرة في منطقة الشرق الأوسط، ونوعه مختلف عن أي رز تاني، إحنا الوحيدين اللي عندنا الرز الكيمونو ده بتاعنا».

وتابع «إحنا سمعنا عن الناس اللي بتاجر في الدولار، لكن لو قولتلكوا إن في مصريين غير شرفاء، اشتروا الرز وشالوه وعطشوا السوق لحد ما ارتفع سعره وابتدوا يبعوه، هل متخيلين حد يتاجر في الوفرة مش الندرة، متخيلين الكفر والافترا، بيتاجر في سلعة متوفرة».

وأضاف «حصل أغرب حاجة في التاريخ متحصلش غير في مصر، من حوالى شهر نزل ناس لموا الرز اللي في السوق وملوا مخازن رز بس، دول كانوا عارفين إنه هيتم رفع الحظر عن تصدير الرز، فأول ما الحظر اترفع صدروا الرز بتاع الغلابة بالدولار، تخيلوا الكفر اللي حصل ده، أزاي نعمل كده في الغلابة».

وتابع أن الدولة في حاجة لاستراد ما يقرب من 82 ألف طن رز، لسد احتياجات المواطنين، مضيفًا:«في الغالب هنستورد رز من برا.. وهيكون هو نفس الرز اللي وردناه».