تعليق نارى من تامر أمين على طالب جامعى يستعطف مدرس الماده لينجحه

عرض الإعلامى تامر أمين، ورقة إجابة طالب بكلية التجارة، كتب فيها لمدرس المادة، "والنبى يا دكتور نجحنى، عشان خاطر أمى العيانة، دى ممكن تموت فيها بعد الشر، مقبول بس، مش طمعان فى أكتر من كده".

وعلق أمين، خلال برنامجه "من الآخر" المذاع عبر فضائية "روتانا مصرية"، "إيه البجاحة دى، مش كفاية إنك مش عارف تكتب، ودا خط واحد فى كلية، وعايز تنجح شفقة وإستعطاف"، متابعا: "دكتور المادة نشر الورقة على صفحته على الفيس بوك، وبيقول أنا هيجيلى جنان، ومش مصدق، وطبعا الطالب دا هيسقط، وهدعى لوالدته أنها تقوم بالسلامة".