عكاشة يقلد المصريين أثناء متابعة مداخلة «مبارك» مع «موسى»

قلد الإعلامي توفيق عكاشة، المواطنين أثناء متابعتهم مداخلة الرئيس الأسبق، حسني مبارك، مع الإعلامي أحمد موسى، مضيفًا: «كل اللي في دماغهم أنهم يناموا ويربوا كرش، ويقول لك امتي ربنا يفرجها»، قائلًا لهم: "قوموا اشتغلوا، جاتكو شغل في رجليكم وكتافكم».

وقال للإعلامية حياة الدرديري، خلال برنامج «مصر اليوم»، المذاع على فضائية «الفراعين»، "أنا عايز أحكي لك اللي بيحصل في الشارع، تلاقيهم في القهاوي الواحد منهم يقول للتاني: تعال ياولا إيه إلى حصل النهارة، ده مبارك، كان عامل من شوية مداخلة مع موسى، وقال إنه جاب جماعة دخلوا في قضية مع إسرائيل لغاية ما جاب الفندق".

وأضاف عكاشة: «آدي الحوارات اللي بتتقال على القهاوي، لا ده عارف حاجة ولا ده عارف حاجة! وماحدش عايز يصدق الكلام الحق، قاعدين على القهوة، بيصرفوا جوز جنيهات، ويتفرجوا على القنوات!».