بالفيديو..أول مداخلة هاتفية لزوجة "محمود رمضان" بعد الإعدام

 
قالت زوجة محمود رمضان المعروف إعلاميا بـ "قاتل الأطفال" بسيدى جابر بالإسكندرية، في أول ظهور لها: "أنا بوجه رسالة لكل شخص ظلم محمود بالقول أو الفعل، أو الناس اللى كتمت شهادتها، و بقولهم حسبى الله ونعم الوكيل، وعزائي الوحيد إنه فى مكان أحسن من اللى إحنا فيه، هو راح عند اللى هيرحمه".

وأضافت خلال اتصال هاتفي ببرنامج "مباشر مصر" عبر فضائية "الشرق" الموالية لتنظيم "الإخوان":  "وبقول لكل صحفى أو إعلامي تخاذل إنه ينشر الحقيقة حسبى الله ونعم الوكيل، مش عارفة إزاى بتعرفوا تناموا، و دلوقتى بتتصلوا بيا عشان تعملوا سبق صحفى، بعد ما كنت بتصل بيكوا تعدوا تدعولى، أنا كنت عايزة حد يساعدنى مش يدعيلى".

وأضافت لين: "أنا بقول للقضاة اللى حكموا على محمود بالإعدام حسبى الله ونعم الوكيل، يا قاضى إزاى بتنام وأنت بتدى برئ إعدام، أنا وجوزي هنقف على الصراط، وهنقتص من كل واحد ظلمنا، هفضل أقول لغاية أخر يوم فى عمرى محمود مش قاتل محمود ضحية إعلام فاسد".