بالفيديو ..أديب يوضح سبب تراجع مصر عن التدخل العسكري بليبيا

 أوضح المذيع عمرو أديب سر تراجع مصر عن طلب التدخل العسكري في ليبيا من مجلس الامن . وقال أديب: عايز كل الناس اللي شتمتني يوم التلات اللي فات وقالتلي انت محبط ومش متفائل واحنا جامدين اوي ومش عارف ايه تعتذرلي . وأضاف أديب موضحاً السبب: اللي حصل في امريكا اليومين التلاتة اللي فاتوا واللي حصل في جامعة الدول العربية اليومين تلاتة اللي فاتوا بيبين ان الموضوع مش سهل وبيبين ان معركتنا السياسية اصعب كتير من المعركة الحربية. وأردف: ولما قولت ان "المعلم" مش راضي ولازم نقعد .. بالفعل حصل قعدة .. وزيرنا سامح شكري قعد مع "كيري" وقعد مع "سوزان رايس" والاتنين دول مهمين في الادارة الامريكية. وتابع: وطبعاً اللي حصل بعيد عن التصريحات اللي بتصدرها الخارجية زي الحديث عن "أواصر التعاون بين مصر وامريكا" .. بالعكس , الامريكان قالولنا هما ايه مش عاجبهم واحنا قولنا ايه مش عاجبنا , واحنا قولنالهم احنا ممكن نعمل ايه .. وهما قالولنا هما ممكن يقبلوا ايه؟ وحصل الكلام دة بينا وبين امريكا لكن النتيجة ان "المعركة مش سهلة" .