نادر حمدى ينشر فيديو يكشف حقيقة حرق ”معاذ الكساسبة”

 

استمراراً  لحالة التشكيك التى تنتاب البعض حول حقيقة فيديو حرق الطيار الأردنى معاذ الكساسبة، نشر المطرب الشاب نادر حمدى، عبر حسابه الخاص بموقع التواصل الاجتماعى "فيسبوك" فيديو لمصمم خدع بصرية يكشف فيه حقيقة الفيديو.

وعلق حمدى، عليه قائلاً: " أنا عارف اللي هقوله ده هيزعل ناس كتير قوي مني بس تعالوا نفكر كدة بالراحة ، أنا لما إتفرجت على فيلم داعش ده من الأول واللهي قلت في حاجة غلط هو إنت لو داعش مسكتك كمقاتل طيار في الجيش هتقول كل المعلومات اللي إنت عارفها بالشكل ده ؟".

وأضاف: " وهل هتبقى هادي كدة و إنت بتقولها ومركز متفوتش معلومة ومش بتتلخبط حتى وترجع تصلح وتقول كمان مين الدول اللي مشتركة بالتفصيل ومشتركين بإيه ؟؟- هل فعلاً الظباط مش بيتمرنوا على انهم وارد يبقوا أسرى وانهم يحافظوا على سرية المعلومات مهما تطلب الامر حتى لو هيكلفك حياتك ؟".

وتابع: " الاسئلة الاهم بقى اللي أكدهالي الفيديو ده إنت لو النار جاية عليك كدة . هتفضل واقف مستنيها ولا هترجع لأخر القفص وتحاول انها توصلك ف أخر نقطة ممكنة ؟.......- مش هتنط تمسك القفص من فوق وتحاول تتفادى النار حتى لو هيموتوك بالرصاص- حتشوف الحديد ازاي و إنت مولع و أكيد عينيك ساحت وتمسكه بايدك الاتنين !!!".

وختم حديثه قائلا: " أنا أسف بجد إن في ناس هتفكر في كلامي بشكل غلط بس دي اسئلة كتير أنا شفتها فالفيديو أول ماشفت والفيديو ده أكدلي إن ده وارد الله يرحمه لو مات والله يقويه لو عايش".