المخترع الصغير يشرح : ازاى تهرب من مراقبة الداخلية

قدم عبد الله عاصم، المعروف إعلاميا باسم "المخترع الصغير" والهارب حاليا إلى الولايات المتحدة مجموعة من النصائح لمستخدمي مواقع التواصل الاجتماعي بعد التصريحات الصادرة من وزارة الداخلية بشأن مراقبة المواقع.

وكتب عاصم عبر صفحته بـ"فيس بوك": "الحكومة ملهاش صلاحيات انها تتابع الحسابات الخاصة بالمستخدمين بشكل فورى أو مستمر"،

وأضاف: "نسأل سؤال مهم الحكومة بتراقب الناس إزاى؟.. أية شخصية بتأثر على الرأى العام وليها آلاف المتابعين أكيد الحكومة بتتابع كل كلمة بتقولها وده لا يخضع تحت مسمى التجسس دى متابعة زى أي متابع ولما الشخصية العامة دى تكتب كلام معارض للنظام ساعتها توجهله مسألة قانونية".

وتابع:" يعنى حضرتك لو عايز تكون بأمان ومن غير أي مشاكل اعمل الخطوات دى.. قائمة الأصدقاء عندك تكون من المعارف الشخصية إلى قابلتها بنفسك.. حضرتك ما تفتحتش المتابعين أو الفولورز وتخلى البوست للاصدقاء فقط.. ماتتكلمش عن كل حاجة بتحصل في اليوم بتاعك.. ماتطلعش أي بيانات شخصية عنك في الرسايل أو في البوست.. وبكده مفيش أي حد هيقدر يتابع انت بتعمل إيه على فيس بوك أو نشاطك أو توجهاتك غير قائمة الأصدقاء وبس".