ساويرس للإخوان: سنواجه العنف بالعنف.. ومحدش هيوقفنا

توعد رجل الأعمال المصري نجيب ساويرس جماعة الإخوان المسلمين بمواجهة العنف بالعنف في حال إستمرارهم في تظاهراتهم الخارجة عن السلمية.

وقال ساويرس على هامش اجتماع الأحزاب المدنية اليوم السبت :"لو عملوا عنف هنواجههم بالعنف علشان نخلص، ورفضت القوى الليبرالية تنزل وتواجه علشان بنخاف على الدم المصري، لكن الشعب زهق وهنطلع لقدام ومحدش هيوقفنا ولو لجأوا للعنف محدش هيوقفنا".

وأضاف مؤسس حزب المصريين الأحرار :"الجزيرة بتطلع ناس تقول إن خطتي يطلع 300 ولا 400 واحد علشان أعمل بلبلة ويكسروا كام عربية، ده مش هيكمل ومش هنسيب مصير الناس في ايد الـ300 أو 400 واحد دول، ولو الناس مش هتاخد الخطوة دي إحنا هننزل وللاسف سايبين الجيش والشرطة فى المواجهة دي لوحدهم".