عشقت واحدة جبارة
سحرتنى بعيونها وقعت أنا فى هواها
حلفت ما اخونها ودمى فداها
كتبت على شط نيلها فى حبها مواويل
سقتنى من غرورها وكبرها الويل
حلفت ما أسيبها ولا يوم أنساها
والدنيا احاربها إن ما عشت وياها
سهران بعد النجوم فى سما ليلها محروم أنا م النوم سرحان فى جمالها
حرمة لكن بكر وبيقولوا ولادة
وولادها عشان ترابها يروحوا للشهادة
عبيدها بعد الله بيطاطوا للبيادة
بس انا مالى بيهم انا ليها عاشق
و يوم حرب ليها ف أول الصف راشق
سلاحى ع اكتافى لا بكدب ولا أنافق
انا بحبها عايش ع قلبى أنا شافق
شربت أنا من نيلها وصبحت مخمور
بحنين بغنيلها بعزها مغرور
طالق حلمى أنا حالم يشوف النور
طالقة عليا خسيس على جتتى مسعور
خطفانى فى طريقك ماشى بيا
ومهما أشكى منك انتى بردو اللى ليا
ببكى على ارضك تيجى انتى عليا
مين صان عرضك ما تردى يا بهية
يا طريق سارق من تحت قدمى الخطاوى
بين وبينك فارق بايعها انت بكام على نصرها أنا ناوى
يا سكة ومسدودة حدودك الحكاوى
وإيدى ممدودة لجراحك بتداوى
يا قلب متلون بعلمها تلت ألوان
أحمر دمى يسيل ليكى فى أى أوان
أبيض يا نور السما طالع على اللى صان
أسود يا شمس الظلم نورك على اللى خان
نسرك منصور بيا مرفوع على راس الجبان
وانا دايب فى دباديبك
بعشقك انا رنة خلايلك
بتهدى فيا يقولولى ارحل
ده مين يرحل ويسيبك
ده انا عاشقك بلا نهاية
حبك انت اصلا مالوش نهاية
ده انتى يا بهية من عند الله آية
يا صورة وصوت وروح ساكنة جوايا
بحبك يا جبارة
ولغيرى مختارة
عارفك انا بتهوينى
لكن فى حالى محتارة
بحبك يا مسكينة
يا ساكنة حكاوينا
شايلة همومنا اكيد
فى حضنك لميينا
دوسى كمان دوسى فوق جرحى وعدى
لا تخافى يوم ولا تطاطى ولا على ظالم تهدى
عدى كمان عدى إوعاكى يوم توطى
.jpeg)
.jpg)
