هيدي كرم تعطي نصائح للمقلبين على حياة عاطفية جديدة

كشفت الفنانة هيدي كرم، عن نصائحها للمقبلين على الدخول في علاقات عاطفية والباحثين عن شركاء حياتهم، حيث أكدت أن الشخص الذي يبحث عن شريك مثالي يجب أن يتحلى هو الآخر بصفات مثالية.

وقالت هيدي كرم خلال فيديو عبر حسابها الرسمي على إنستجرام : "كل واحد فينا لما بيدور على شريك عايز يشاركه حياته سواء كان راجل أو ست .. بيبقى دايمًا بيدور على أحسن حاجة .. يعني الست بتبقى عايزة راجل كريم وحنين وجدع ومعطاء ومخلص ولذيذ ودمه خفيف ومش تافه .. والراجل كذلك بيبقى عايز ست بنفس الصفات .. وطبعًا أكيد كل واحد حقه".

وتابعت : "بس علشان أدور على أفضل راجل أو ست .. لازم أنا كمان أكون أحسن نسخة من نفسي .. وبالتالي لما أشتغل على نفسي وأوصل لأفضل نسخة مني ساعتها هجذب حد نفسي .. ولكن ميبقاش أنا قاعد عندي مشاكل وفيا العبر .. وأقول أنا عايز حد ياخدني ويشيلني من على الأرض شيل".

واختتمت هيدي : "ماينفعش راجل يجي يقول على الست إنها مش عارفة قيمتك .. إيه هي قيمتك ؟ .. هل أنتو فعلًا ليكم قيمة حقيقية ؟ .. أو إشتغلتم على نفسكم ؟".