ياسمين عبد العزيز: في الزمن ده مافيش حب غير في الدراما

في لقاء حصري على برنامج معكم مع الإعلامية منى الشاذلي على قناة ON، فتحت النجمة الكبيرة ياسمين عبد العزيز قلبها بصراحة عن حياتها الشخصية والزواج، مؤكدة أنها حاليا مركزة على أولادها وشغلها بعيد عن أي ضغوط أو شائعات.

وتحدثت ياسمين عن وجهة نظرها في الحب والزواج في الزمن الحالي، مؤكدة رضاها بالوضع الحالي واهتمامها بأولادها وأعمالها، وكشفت كمان عن بعض كواليس عملها الفني والفلسفة الحياتية اللي بتتبعها.

هو فيه حب أصلاً؟

تحدثت ياسمين عن الحب قائله: هو فيه حب أصلا؟ في الزمن اللي إحنا فيه ده مفيش غير الدراما بس اللي فيها حب، حلوة البدايات كلها حكايات، على رأي عمرو دياب، مش هو قال كده؟
وأضافت إن الدراما هي الوحيدة اللي فيها رومانسية حقيقية، وهي مرتاحة في سنجلتها.

كواليس صفع أنوشكا في ضرب نار

وعن مسلسل ضرب نار تحدثت ياسمين ان أنوشكا رفضت تماماً صفعها في البداية خوفاً عليها، وكنت مصممة على أن يكون الضرب حقيقيًا عشان يظهر المشهد بمصداقية، واستفزيتها قبل التصوير، وشعرت بألم شديد لكنها كانت سعيدة بنجاح المشهد، وأبرزت حرصها على تقديم مشهد قوي وواقعي رغم الألم الجسدي.

مبخافش من الناس الجامدين

قالت ياسمين : "مبخافش من الناس الجامدين اللي بيمثلوا حلو إنهم يطلعوا معايا، وبحب أجيب ستات شكلها حلو تمثل معايا، أنا أطلع حلوة والناس اللي حواليا يطلعوا حلوين،
ووضحت إنها واثقة من نفسها وبتحب مشاركة الشاشة مع نجوم كبار لرفع جودة المشهد الفني.

ولادي لازم يشوفوا أمهم قوية

أكدت ياسمين اهتمامها بأن يكون أولادها قدوة، ويشوفوا أمهم قوية ومستقلة، وتعمل بعقلها وقلبها لتجنب أي صدمات.

دروس 2025 والتجارب السابقة

واضافت ياسمين: دخلت 2025 وفي حد علمني درس، إني لا أثق في أي حد غير ربنا، حاسة إني لازم أحب نفسي، أنا حبيت واديت كل اللي حواليا ما عدا ياسمين، ودلوقتي عايزة أدي ياسمين وأبسطها، وأوضحت إن تجاربها السابقة علمتها أهمية الثقة في ربنا وحب النفس قبل أي حد تاني.