ياسمين عبد العزيز: لن أنشر صور تجمعني بزوجي المستقبلي «العلن مفيهوش بركة»

في لقاء حصري على برنامج معكم مع الإعلامية منى الشاذلي على قناة ON، فتحت الفنانة ياسمين عبد العزيز قلبها بصراحة عن حياتها الشخصية والزواج، مؤكدة أنها تركز حاليا على أولادها وأعمالها بعيدًا عن أي ضغوط أو شائعات.

مبسوطة بالسنجلة

قالت النجمه ياسمين عبد العزيز خلال اللقاء: أنا مبسوطة بجد ومبهرجش، وميفرقش معايا اللي يشمت يشمت، أهم حاجة أنا أبقى مبسوطة،
أكدت أنها سعيدة بالوضع الحالي، وتركز على شغلها وأولادها، وده جزء من سعادتها بحياتها الشخصية.

لو حصل زواج… مش هعلن

كما أكدت ياسمين: لو حصل دي حاجة هتبقى شخصية، مش عايزة حد يعرف بصراحه، وعايزة حد بعيد عن الشغلانة خالص، وأوضحت أنها ستحتفظ بالخصوصية في أي ارتباط جديد بعيدًا عن الإعلام، وده لحماية حياتها الشخصية.

علاقة الصداقة بكريم فهمي.. وزوجته

وعن علاقتها بالنجم كريم فهمي قالت: أنا وكريم فهمي ومراته شلة وصحاب قوي، بقول كده علشان الناس ساعات بتخلط الأمور، في بينا كيميا، والناس حابة الكيميا دي، وهو راجل طيب وراقي وجنتلمان، وأوضحت أن العلاقة مجرد صداقة قوية وانسجام فني، وليس علاقة رومانسية، لتفادي أي سوء فهم.

ثقة بالنفس وحب الذات

وتحدثت ياسمين عن الثقه قائلا: "في حد علمني إني ما أثقش في حد غير ربنا، دخلت 2025 وأنا عايزة أحب نفسي، قبل كده حبيت كل اللي حواليا وأديت لكل اللي حواليا إلا ياسمين، فقررت أدي ياسمين وأعوضها وأبسطها."
أكدت أهمية حب نفسها أولا وعدم الاعتماد على أي حد غير ربنا، وده درس اتعلمته من تجاربها السابقة.

رأيها في الناس والسوشيال ميديا

واضافت ياسمين: ضيعت كتير في الخوف من الشماتة والناس على السوشيال بتخرب البيوت.
أكدت أنها اتعلمت من تجاربها أهمية عدم التأثر بكلام الناس أو الحسد، وحماية حياتها من أي تأثير سلبي.