سلالم مرهقة وموقف بلا كراسي.. شكاوى الركاب من موقف الأقاليم الجديد برمسيس| صور

بينما كان الهدف من نقل موقف ميكروباصات الأقاليم من كوبري الليمون إلى مبنى جديد برمسيس هو التيسير والتنظيم، وجد المواطنون أنفسهم أمام معاناة يومية تبدأ بصعود عشرات السلالم وصولًا إلى الطابق الثاني، وتنتهي بالانتظار في ساحة خرسانية خالية من المقاعد، ليصبح السفر بالنسبة لكبار السن والركاب رحلة شقاء قبل حتى ركوب السيارة.

فيما اشتكي أحد الركاب لـ«النهار»، بنطلع 88 سلمة شايلين شنط وعزال، والناس بالعيال والشنط بيموتوا من التعب عشان يوصلوا للموقف اللي في الدور التاني.. مفيش حتى كراسي نرتاح عليها.

وأضاف آخر: "كبار السن بيتبهدلوا كل يوم، المفروض أي تطوير يراعي احتياجات الناس مش يزود معاناتهم، اللي معاه شنط أو أطفال بيواجه صعوبة كبيرة في الصعود".

وتابع راكب ثالث: "المكان شكله جديد وحلو من بره، لكن الخدمة أصعب من الأول.. لازم يبقى في مصاعد أو تجهيزات تساعد الناس بدل ما يضطروا يطلعوا السلالم بالعزال والعيال".