محمود حميدة ينتقد طريقة حياة أشقاءه بهذه الطريقة

كشف الفنان محمود حميدة عن رأيه في طريقة الحياة التي يسير بها أشقاءه، من الاتجاه إلى السفلية الدينية.

وقال محمود حميدة في لقاء تليفزيوني له: "احنا عايزين نعيش زي ما الناس كانت عايشة قرون قبلنا، ودا يعني عندي أنا إن حس الزمن غير موجود، إخواتي بيبحبوا يمشوا تبع السُنّة، ويربوا دقنهم ويلبسوا جلابية، وعايزين يعيشوا كما عاش الرسول عليه الصلاة والسلام والصحابة رضوان الله عليهم، أنا مش شايف إن دا حاجة مظبوطة، أنت عايز ترجع بالزمن؟ إحنا ربنا خلقنا عشان نتقدم لقدام، لو عملنا كدة نبقا مش مؤمنين بيوم البعث، اللي مؤمن بيوم البعث إحنا رايحين لقدام مش لورا".

وأضاف:" دا ينطبق علينا كلنا دا مثل، ولا استثني نفسي، أنا ابن هذا المجتمع وبالتأكيد مصاب بأمراضه، أنا شايف إن دا مرض وإخواتي مش شايفين إن دا مرض".

وتحدث محمود حميدة عن بعض المفاهيم الخاطئة في التربية من بينها أن الرجل لا يبكي، قائلا: "احنا في حاجات كتيرة اتربينا غلط عليها زي إن الراجل ميعيطش، دا كلام فارغ، وزي أننا نتربى على أننا منعرفش نختار مع أن ربنا خالقنا عشان نختار".