مروة صبري تهاجم منى فاروق لهذا السبب

هاجمت الإعلامية مروة صبري، الفنانة منى فاروق بعد ما خرجت به من لايف عبر حسابها بموقع التيك توك، وقامت فيه بالاعتداء اللفظي على الجمهور.

وقالت مروة صبري خلال برنامج" "قعدة ستات" المذاع عبر قناة ألفا اليوم: " منى فاروق طلعت من يومين تقريبا على تيك توك ووصفت نفسها بأبشع الوصف، وقالت أنا تنحة ورزلة وسخيفة، لأن أحد متابعيها قال لها تعليق معجبهاش، فقررت ترد عليه وتهزأ المتابع وكل المتفرجين عليها، وإتكلمت بشكل غير لائق وغير مسموح، وغير طريقتها الغلبانة المسكينة اللي عايزة الناس تساعدها تشتغل".

واستكملت:" منى فاروق قالت حاجة عجيبة الواحد توقف عندها، قالت أنا بيضا وحلوة وقشطة وجسمي حلو، وأي راجل في الدنيا يتمناني، وأنا اللي مش بيطولني بيحاربني، ومش هخلي حد يطولني، وأنا بتجوز في الحلال ومش بعمل حاجة حرام".

وأنهت حديثها قائلة:" يعني إنت عايزة إيه بالجملة دي؟ إنت طالعة تهيني الناس وتعلميهم الأدب والعفة؟ إيه الطريقة المبتذلة دي في الكلام؟"