منى فاروق تتصدر تريند جوجل بعد خبر إعتزالها الفن.. أعرف القصة الكاملة

تصدرت الفنانة منى فاروق، مؤشر البحث جوجل عقب ساعات قليلة من إعلان خبر اعتزالها الفن، بسبب قلة الأدوار التي تعرض عليها خلال الفترة الحالية وعدم قدرتها على دفع إيجار المنزل وغيرها من الأمور التي تخص حياتها الشخصية، وفي التقرير التالي ترصد "النهار" أبرز التفاصيل.

البداية كتبت منى فاروق، عبر خاصية القصص المصورة بحسابها الشخصي بموقع تبادل الصور والفيديوهات الشهير بـ "إنستجرام"، قائلة: "تعبت وأشعر بعدم التقدير لشخصي ولموهبتي.. ولم اعتد البقاء في مكان ومع أشخاص لا تقدرني تعبت، لذلك اعتزل".

وفي "ستوري" أخرى كتبت منى فاروق، :"إجازة مفتوحة من السوشيال ميديا، مش هكون موجودة مش عاوزة حاجة من حد ولا حد يعوز مني حاجة، واللي زمان أنا عيشته لغيري أنا دلوقتي هاعيشه، لنفسي".

وتابعت منى فاروق حديثها عن قرار إعتزالها الفن: "محتاجة أكون نفسي محتاجه سلام نفسي اللي بيحبوني شكرًا، وكتر خیرکم، واللي ما بيحبونيش شيلوني من حساباتكم لحد ما أقدر أواجه الحياة الظالمة دي تاني".

عقب إعلان منى فاروق خبر إعتزالها الفن، تعرضت للعديد من الإنتقادات والهجوم من قبللا متابعي ورواد السوشيال ميديا الذين قالوا أنها تبحث عن الشهرة وتريد أن تكون تريند لكي يتحدث عنها الجميع وتظل تحت الأضواء.

لكن خرجت منى فاروق ووضحت حقيقة الأمر حيث كتبت:"مساء الخير الكلام اللي بقوله ده خارج خالص عن فكرة اني اخد التريند، وأعمل زي أي حد أنا قولت اعتزل الفن لسبب واحد هو ده مصدر رزقي الوحيد اللي انا بحبه".

وتابعت منى فاروق: "وعاوزه اشتغل لكن لما أوصل لمرحلة اني مش عارفه أدفع إيجار بيتي حاجه تتعب، أنا محتاجه اشتغل علشان زي أي بني أدمه طبيعية أنا غلط وربنا بيسامح ليه البني أدمين مش عاوزين يسامحه".

وأشارت منى فاروق خلال حديثها، إلى أنها:"أنا بسمع بودني بلاش منى علشان الفيلم والدعاية ميضرش الفيلم أو المسلسل ليه ياربي أنا بقيت منبوذه من كل الناس، أنا مش طالبة غير اشتغل في الحاجة اللي بحبها عشان أعرف أعيش.. المجتمع حطني في المكان الوحش".

وأضافت منى فاروق:"بس مش يمكن عاوزه أبقى كويسه زي أي واحده ليه بتقفلوها قدامي في كل حاجه علشان كده أنا بناشد الذكتور أشرف زي، والاستاذ أشرف عبدالباقي وشركات الإنتاج محتاجه الشغل".

وأختتم منى فاروق حديثها قائلة: "عاوزة أعرف أعيش ولما قولت قرار اعتزال من أجل لو حد شافني في محل لبس أو أي شغل ميقولش أيه ده والله مش طالبه غير أشتغل.. ابوس ايديكم عايزة اشتغل".