حذف أغنية ”ابتسمت” لـ شيرين عبد الوهاب.. اعرف القصة

حتي تلك اللحظة تحاول الفنانه شيرين عبد الوهاب طرح أغانيها، حيث طرحت أغنية جديدة بعنوان "ابتسمت"، والأغنية من كلمات الشاعر أحمد حسن راؤول وألحان الملحن أحمد زعيم وتوزيع الموزع توما، ولكن سرعان ما تم حذفها وظهر مكان الأغنية "تم تعطيل هذه الوسائط استجابةً لبلاغ مقدّم من مالك حقوق النشر"وكانت شيرين عبد الوهاب وجهت الشكر لكل من هنأها بعيد ميلادها، في رسالة صوتية مؤثرة نشرتها على حساباتها الرسمية بمواقع التواصل الرسمية الخاصة بها، معبرة عن امتنانها العميق لدعمهم وحبهم خلال هذه الفترة.

قالت المطربه شيرين في رسالتها: "عايزة أشكر كل الناس اللي عايدتني اللي هما عائلتي الكبيرة اللي عايدتني بمناسبة عيد ميلادي وأثروا فيا جدًا جدًا السنة دي، معايدة المطربة سميرة سعيد النجمة الكبيرة الديفا صديقتي الغالية، ومها صاحبتي مش هنسى أبدًا جمال الفويس بتاعكم وجمال المعايدة بتاعتكم".

واضافت: "شكرا ربنا يخليكم ليا حبايب قلبي بخاف عليكم أكتر من أي حاجة، أستاذ بهاء الدين محمد وأستاذ وائل جسار وأستاذة لميس الحديدي وويجز حبيبي؛ بهاء حبيب قلبي ووائل جسار نجم كبير جدًا جدًا وعزيز على قلبي وأخويا وبقوله ربنا يكون في عنكم وتشوفوا لبنان كلها خضرة ومتعمرة، ونرجع تاني ضيوفكم زي ما كنا بنروح وبتشيلونا من على الأرض شيل.. يا رب يكون مع لبنان يا رب".

وتابعت: "وطبعا الإعلامية الكبيرة لميس الحديدي، حبيبتي وأستاذتي وحبيبة قلبي، والمطرب ويجز يا روح قلبي شكرا.. شكرا على معايدتك الجميلة الرقيقة.. أنت رقيق وحساس وشكرا يا حبيبي قوي، وبالنسبة للملحنين أستاذنا بقى عزيز الشافعي حبيبي وصديقي هو تامر حسين وتوما دول ليهم معزة خاصة في قلبي دول ساعدوني وبنوني من جديد عايز أقول لهم أن أنا نجاحي ده أهديه لكم عشان انتم شركاء فيه وأنا مبسوطة أوي أوي أن أنا بقى ليا صحاب زيكم، ناس نضاف وفنانين حقيقيين ربنا يخليكوا ليا".