نجم الزمالك السابق عن أزمة أحمد فتوح: مش بتحافظ على أكل عيشك.. الاستهتار وحش

تحتل أزمة أحمد فتوح، لاعب الزمالك، المشهد، خلال الفترة الحالية، بعدما تقرر إحالته إلى محكمة الجنايات، بتهمتي تعاطي مخدر الحشيش والقتل الخطأ.

وتسبب فتوح أثناء قيادة سيارته في مصرع أحد الأشخاص بالطريق الساحلي (مطروح) بالعلمين، فجر الأحد الماضي.

وفي هذا الصدد تحدث حسن مصطفى، نجم الأهلي والزمالك السابق، قائلًا: «زعلان من أحمد فتوح جدًا. أنا اتعاملت معاه لاعب كويس، ومحترم. زعلان منه لأن بيكون قدامك مستقبل كويس ومش بتركز فيه ومش بتحافظ على لقمة عيشك ومستقبلك».

وأضاف: «أنت من أعمدة الزمالك ومنتخب مصر. استهتار في حياته وأكل عيشه، وزعلان إنه بيروح لمادة مخدرة وأنت المفروض قدوة للشباب، ولازم تكون واخد بالك من أكل عيشك وحياتك».

وأكمل: «خبطت واحد وراجل مات، قتل خطأ، لكن الاستهتار وحش إنك مش واخد بالك من حياتك حاجة وحشة. ربنا يسترها عليه وأتمنى الأمور تتحل، هو في الآخر سنه صغير وحواليه حاجات كتير وممكن الصحبة مش كويسة، وممكن دي اللي توصله للنقطة دي».