مادلين طبر: الرجل بيختار زوجة مثل أمه ومش بيحب الست المكسورة

وجهت الفنانة مادلين طبر رسالة إلى الزوجات من خلال لقاء لها ببرنامج"الستات ميعرفوش يكدبوا" عبر فضائية cbc.

وقالت مادلين طبر:" "احنا خدنا حيز من الحرية دلوقتي كويس جدا، انا دلوقتي مش متزوجة، بس لما كنت متجوزة، مع حفاظي على شخصيتي كنت بعدي الأمور، لما أحسه طلع، أهرب، لأن الرجل لما بيتعصب مابيعرفش ينزل، معندوش طاقة زينا يلم الموضوع ويرجع طبيعي".

وأضافت:" الرجل مالوش كتالوج، المهم هو أن تشتري المرأة جوازها، أنا كنت شارية جوازتي الأولى استمرت 7 سنوات، وكنت عايزة أكمل، بمعنى ان تختار الرجل الذي ترغب ان تعيش معه العمر كله، احنا الستات نحب الاستقرار، وأنا شخصيا لا أطيق الجدال مع الرجال ونصيحتي لكل زوجة تريد استمرار زواجها، لابد أن تضحي وتتنازلي في الأمور غير الأساسية حتى تستمر العلاقة لأن الرجل طفل عنيد".

واستكملت حديثها قائلة:" الرجل بيختار زوجة مثل أمه، فيها صفات منها، مش هيحب الست المكسورة، فيها الشخصية القوية، هو جاي عندك متقبل إنك انتِ اللي تديري البيت، لأن أمه كانت الرئيسة في البيت".