في ذكري ميلاد عادل إمام..حكايات وأسرار الزعيم مع والده

والدى كان قاسى عليا جدا دي جملة قالها عادل إمام في لقاء سابق له، في برنامج «واحد من الناس» من تقديم الإعلامي عمرو الليثي، و في الحلقة دي حكى عن تفاصيل علاقته بوالده في مرحلة طفولته واتكلم عن تفاصيل وفاته، وازاي استقبل خبر الوفاة.

وقال الفنان عادل إمام: «والدي كان حافظ القرآن كامل وكان قاسي عليا جدا وذلك خوفًا علىّ، زمان كان بيعذبنى و كان عنده حاجات مهمة جدا زي المذاكرة والصلاة والدين، ولما كبرت حسيت إن الراجل ده حماني من حاجات كتير أوي في الحياة.

وتابع: وانا كبير حبيته أوي أوي وبقينا صحاب.. لكنه توفى وأنا كنت في لبنان، كان عندي مسرحية بعرضها هناك وآخر يوم في عرضها جالي خبر وفاة والدي عن عمر 86 عام و زوجته هى اللي بلغته خبر وفاة والده وقال لما بتحصلي صدمات بيجيلي حالة كده من الهدوء النفسي، فلما سمعت الخبر سكتت وده كان آخر يوم في عرض المسرحية وبعد ما خلصت حسيت إني عايز أتكلم عنه، فقلت مش هلاقي حد أنسب من جمهوري أتكلم معاه.

وأضاف: بعد عرض المسرحية بدأ يتكلم إلى جمهوره عن ذكرياته مع والده، واتفاعلوا معاه بشكل كبير مرة بالبكاء ومرة بالضحك، وقال أن والده كان يتمتع بخفة الظل بس مكنش بيبتسم.