حسام حبيب: رحت لدكاترة نفسيين كتير وأمي كانت بـ100 راجل

كشف المطرب حسام حبيب، عن العديد من أسرار حياته، أثناء حلوله ضيفا ببرنامج"ع المسرح" مع الإعلامية منى عبد الوهاب، عبر قناة الحياة.

وقال حسام حبيب، خلال الحلقة أنه ذهب لكثير من الأطباء النفسيين ولكن كان يذهب بنية عدم العلاج والرغبة في أن يكون ضحية، متابعا: "كنت ديما بحس أني أذكى من الدكتور وببقى رايح مش عشان اتعالج وببقى رايح له عشان احس بإحساس الضحية.

واستكمل، " لما كبرت شوية الدكتور قالي صلي ولما بدأت اصلي مبقتش خايف من لقاء ربنا بل بحبه وعايزه، وأنا عشت مع أمي وعلمتني كتير واتولد عندي نوع من أنواع حب واحترام الست عشان شوفت الست ساعات في مواقف بتبقى بـ100 راجل وهي كانت مرفهة في بيت أهلها ومفيش أي مسئوليات ولما شالت المسئولية كانت وحش بيتحول إلى أب وأم" وكانت حنينة جدا ولكن منظمة".

وأوضح قائلا:" رغم أن أمي كانت ست مرفهة للغاية في حياتها وقت أن كانت تعيش في بيت أهلها إلى أن تحملت المسؤولية وواجهت موقف الانفصال رأيتها، وهي تتحول إلى أب وأم فيها الحنية ودلع جنبا إلى جنب مع الانضباط والالتزام".

وانهى حديثه قائلا:" أمي رغم أنها دلعتني جدًا لكن كان لازم الساعة 9 أكون في سريري وحاجات كتير مفيهاش تهريج، وهي كانت الاتنين وشوفت قد ايه الست قادرة تقوم بالدورين فعلاً لو اضطرت، بخلاف الرجل".