جامدة أوي.. طارق العريان يشيد بأغنية «كدابه» لـ حسام حبيب (صورة)

حرص المخرج طارق العريان على تهنئة حسام حبيب بعد نجاح أغنيته الأخيرة التي تحمل اسم كدابة، وذلك من خلال حسابه على موقع الصور الشهير إنستجرام، إذ كتب طارق العريان: "مبروك جامدة أوى".

وفى سياق متصل تمكن المطرب حسام حبيب من تصدر تريند اليوتيوب بأغنيته الجديدة التي تحمل اسم كدابة، والتى وصلت نسبة مشاهدتها لأكثر من نصف مليون مشاهدة.

ملحن أغنية "كذابة" لحسام حبيب يرد على اتهامه بسرقة لحنها

ولكن وجهت اتهامات لصناع الأغنية بسرقة لحنها من أغنية أخرى طرحت مؤخرًا، ورد ملحن الأغنية إسلام رفعت على هذه الاتهامات من خلال حسابه الشخصي على موقع التواصل الاجتماعي فيس بوك، إذ كتب: "أنا ما كنتش هرد.. بس مضطر أرد لأن اللي بيحصل ده قلة أدب وتطاول".

وتابع: "لسه جاي لي تليفون دلوقت من صديق ليَّ بيقول إني في حد كاتب بوست إني واخد لحن أغنية حسام حبيب من أغنية لمغني أنا أعرفه معرفة شخصية واشتغلت معاه بالفعل وعلاقتي بيه إنه "مغني“ وأنا ملحن وموزع يعني واضح مين اللي بيسمع من التاني”.

وأضاف: "أولًا مستحيل مستحيل مستحيل أنا اللي بقول إنه يكون توارد أفكار أو خواطر أو نغمات أنا مسروق بالمللي وبالهارموني حتى هو برافو عليه محاولة حلوة منه إنه ينط على بروباجندا حسام حبيب ويحاول نجيب سيرته ويمكن تصيب معاه.. بس أنا هخليها تصيب معاه أنه يتشهر بأنه غير أمين وما عندوش ضمير نهائي".

واستكمل: "كل الناس عارفيني كويس وعارفين شخصيتي إني عمري ما أعمل حاجة "بالخسة دي “ أو بالسذاجة دي!! إني آخد حاجة إبداعية في أكتر حاجة بحبها وهي الموسيقي من حد أو اقتبس جملة من هنا أو من هنا والحمد لله أعمالي كلها بتتكلم عني الأغنية دي الشاعر عمرو المصري بعتلي كلامها من شهر مايو ٢٠٢٣ اللي فات تقريبا وأنا لحنت الكلام وعملت شكل ليها وبعتناها لأكتر من مطرب من ضمنهم حسام وبالفعل كانت من نصيبة والأغنية جاهزة من فترة كبيرة جدًّا ولكن حسام اللي كان بيأخر.. ومرفق في البوست فيديو أنا مصورة بإيدي من الكمبيوتر بتاعي متوثق فيه تاريخ الأغنية وصوتي في الديمو".