والد ياسمين صبري يفتح النار عليها: ”كدابة وبراوية”

تسببت الفنانة ياسمين صبري في حالة من الجدل، بعد تصريحاتها عن أسرتها ببرنامج بودكاست بيج تايم، مع الإعلامي عمر أديب، مما دفع والدها أشرف صبري للخروج عن صمته ليكشف عن مفاجأة من العيار الثقيل.

وقالت ياسمين صبرى مع عمرو أديب، إنها من أسرة متوسطة وعاشت حياة لم تكن سهلة، وجدتها تولت تربيتها، و في بداية حياتها التعليمية التحقت بمدارس حكومية، ومع تحسن الظروف المادية لوالدتها انتقلت إلى مدارس أخرى، وبدأت أول عمل لها في مكتبة الإسكندرية، مع تمكنها من امتلاك سيارة بنظام التقسيط.

وقال أشرف صبرى والد ياسمين في تدوينه له على موقع التواصل الاجتماعي فيس بوك : “بعد الواحد ما كبر، ويشوف ولاده، يحمد ربنا؛ اتربوا كويس، رغم أننا طبقة متوسطة، عاشوا في بيت ابوهم، وبناتي كانوا في مدرسة انجليزي،ة بتاعة الطبقة المتوسطة، وكنت مهتم تكون مربيتهم فلبينية، عشان يتكلموا اللغة الإنجليزية كويس بتاعة الطبقة المتوسطة، واشتغلت طبيب، واتعلمت بره عشان انجح اولادي في الطبقة دي، وابني كان في مدرسة فيكتوريا”.

وذكر أشرف صبرى : “دلوقتي ابني في اميركا، بيشتغل بعد ما جوزته الحمدلله، ونرمينة بنتي جوزها دكتور أطفال؛ من الطبقة المتوسطة، والتانية فنانة – يقصد ياسمين – وعندي بنت أخرى فرنساوية كنت بفسحهم دايما في اليخت بتاعي الصغير بتاع الطبقة المتوسطة!، ولما باتفرج علي حفيدتي اما بافرح، ومنتظر عم بلال يجيب ولي العهد يارب، وكلهم بيحبوا ابوهم، والكسندرا حتتجنن وتيجي مصر لأنها مع أمها في فرنسا ،عشان تقعد مع أبوها وهي الوحيدة البعيدة، لكنها لها أم محترمة تعرف تخلي ابوها رمز حتى لو بعيد، ومنتظر وصولها بفارغ الصبر”.

وانهى أشرف صبرى كلامه قائلا: “احيانا يطلع عيل من عيالك براوي، وناكر للجميل، ويتكلم كأنه بيمثل فيلم كله اختراعات، لكن دي سنة الحياة، المهم إنهم كويسين وبخير، واحب أوضح؛ اننا كنا سعداء في الطبقة المتوسطة، دلوقتي الحمدلله انتقلنا إلى الطبقة الأقل من المتوسطة، وربنا يستر ما ننزلقش إلى تحت الأرض”.