فخورة بنفسي مهما كنت.. داليا مصطفى تعلن عن إصابتها بمرض السكري

أعلنت الفنانة داليا مصطفى إصابتها بمرض السكر، كاشفةً سبب ارتدائها لجهاز في ذراعها، الذي ظهر في إحدى الصور التي نشرتها، موجهةً نصيحة لمرضى السكر جميعهم، بأن لا يبالوا لتنمر وحديث الآخرين.

ونشرت داليا مصطفى مقطع فيديو عبر حسابها الرسمي بموقع انستجرام، وقالت خلاله: أنا كنت منزلة صورة أنا وأختي وكنت مركبة جهاز مرض السكر في دراعي، وبعد ما نزلتها لقيت أمهات كتير بعتولي وناس منظمة لمعارض السكر كلموني وشجعوني إني لابساه ومش مكسوفة.

وتابعت: الأمهات قالولي شكرا إنك طلعتي بيه عادي بالمنظر ده، وده خلى أولادنا عندهم ثقة إنهم يلبسوه عادي، ويمكن إحنا معندناش التوعية دي، ومفيش داعي للتنمر، وعلى فكرة مش فارقة ومش مهم رأي أي حد فيا، والجهاز ده ريحني جدا وسكري قبل كدة كان صعب.

واختتمت داليا مصطفى: بشجع كل الأطفال والناس مرضى السكر إنهم يلبسوه، وميفرقش معاهم حد وكل واحد بيبقى شايل هم شكله قدام الناس، لكن الحقيقة إن كل واحد مشغول بحاله، وفكروا في نفسكم بس.