منة شلبي عن ليال سعودية مصرية: منبهرة بالتحضيرات والتنظيم حاجة كبيرة وعظيمة وبشكر تركي آل شيخ علي دعم السينما المصرية

تحدثت الفنانة منة شلبي عن مستقبل الفن بين السعودية ومصر في شتي المجالات ، مؤكدة أن العلاقة بين البلدين قوية ووطيدة ، وأنهما داعمان لبعضهما في شتي المجالات .

وقالت منة شلبي علي هامش حضورها حفل ليال السعودية المصرية : طول عمر مصر والسعودية دولتين شقيقتين بينهم كل الاحترام والحب وداعمين لبعض في كل المجالات ، ومصر بلد عريقة ليها تاريخ كبير والسعودية بلد جميلة فيها الحرمين الشريفين ، وده موضوع غير قابل للنقاش ومالوش علاقة بأي حاجة مسيسة .

وأضافت : كل اللي بيروح السعودية بيلاقي ترحيب كبير ورهيب والعكس في مصر ، وده مفيهوش أي حاجة جديدة من زمان جدا صناعة السينما المصرية فيها دعم سعودي ، والفن المصري سباق في الوطن العربي ، والعلاقة بين مصر والسعودية مبنية من زمان ، وعلاقة قديمة ووطيدة وليها أصول عريقة .

كما كشفت منة شلبي عن رأيها في قرارت المستشار تركي آل شيخ ، بشأن الأفلام المقرر إنتاجها من صندوق big time ، وضخ أكثر من أربع مليارات جنيه للصندوق ، قائلة: شئ رائع لأن السينما المصرية محتاجة إنتاج أكبر من كدة ، وأنا أول ما بدأت أمثل كنا نقدر أربع أو خمس أفلام في السنة من ضمن عشرين فيلم ، ولكن دلوقتي اللي معروض ممكن يكون عشرة والحلو أوي أتنين فالتنوع قل شوية والأنتاج قل ، ولذلك دي حاجة رائعة ودعم خطير وبنشكر سيادة المستشار علي ده .

واختتمت : انبهرت بحفل جوي اوردز ، وأنا مش بنبهر بسهولة وكنت بشاهد علي مستوي رائع ، وأنا ست بسافر وبتفرج علي مسرحيات في العالم كله ، وكنت منبهرة بالتحضيرات والتنظيم حاجة كبيرة وعظيمة .